Höfundakynning
21. nóvember 2017 - Höfundakvöld
Gestir að þessu sinni voru Bubbi Morthens með nýja ljóðabók sína Hreistur. Oddný Eir Ævarsdóttir með bókina Undirferli, Sólveig Pálsdóttir með nýja glæpasögu, Refurinn og Ármann Jakobsson með nýja skáldsögu sína Brotamynd. Sunna Dís Másdóttir stýrði umræðum.
22. nóvember 2016 - Rithöfundakynning
Höfundarnir Auður Ava Ólafsdóttir, Friðgeir Einarsson, Hallgrímur Helgason og Sigríður Hagalín ræddu nýútkomnar bækur sínar. Umræðum stjórnaði Páll Baldvin Baldvinsson.
Höfundakynning 2015
Bókasafn Seltjarnarness fagnaði 130 ára afmæli sínu þann 20. nóvember og bauð upp á vandaða
bókmenntadagskrá í kjölfarið.
24. nóvember kl. 20:00 Höfundakynning
Auður Jónsdóttir, Jón Kalman, Þórdís Gísladóttir og Sigurður Pálsson lásu upp úr bókum sínum
og Hildigunnur Þráinsdóttir stýrði umræðum.
25. nóvember kl. 17:30 - Börn og bækur
Verðlaunahöfundurinn Bergrún Íris Sævarsdóttir leiddi börn um ævintýraheim bókanna og las upp úr bók
sinni Viltu vera vinur minn?
Höfundakynning 2014
Árleg höfundakynning Bókasafns Seltjarnarness var þriðjudaginn 25. nóvember kl. 20:00.
Súsanna Svavarsdóttir heldur um taumana á höfundakvöldi Bókasafns Seltjarnarness þar sem fram koma fjórir af merkustu rithöfundum landsins.Höfundarnir eiga það sammerkt að gefa út bækur um þessar mundir en þeir eru Einar Kárason, Gerður Kristný Guðjónsdóttir, Guðrún Eva Mínervudóttir og Stefán Máni Sigþórsson.
Höfundakvöld Bókasafns Seltjarnarness hafa notið mikilla vinsælda og jafnan verið húsfyllir á þeim.
Dagskráin stendur frá kl. 20-22 og boðið er upp á kaffi og gómsætar smákökur úr Björnsbakaríi.
Aðgangur er ókeypis og allir eru velkomnir. Skoða veggspjald
Höfundakynning 2013
Árleg höfundakynning Bókasafns Seltjarnarness var þriðjudaginn 26. nóvember kl. 20:00.
Sigurður G. Tómasson fjölmiðlamaður og íslenskufræðingur stjórnar umræðum. Rithöfundarnir Vigdís Grímsdóttir, Jón Kalman Stefánsson og Guðmundur Andri Thorsson lesa upp úr bókum sínum. Kvenfélagið Seltjörn býður upp á veitingar.
Höfundakynning 2012Árleg höfundakynning Bókasafns Seltjarnarness var þriðjudaginn 20. nóvember kl. 20:00.
Að þessu sinni lásu þrír höfundar úr bókum sínum og tóku þátt í umræðum.
Þeir voru:
Árni Þórarinsson — Ár kattarins
Einar Kárason — Skáld
Steinunn Sigurðardóttir — Fyrir Lísu
Þröstur Helgason bókmenntafræðingur stjórnaði umræðum
Kaffi í boði Kvenfélagsins Seltjarnar
Allir velkomnir – ókeypis aðgangur