Salurinn - Eiðissker
Eiðissker er salur sem tilheyrir Bókasafni Seltjarnarness og safnið nýtir fyrir starfsemi sína. Salurinn er um 70 m2 að stærð og geta fylgt honum borð og um 70 stólar. Salurinn er leigður út fyrir fundi og eru í honum skjávarpi og tjald. Einnig er hægt að fá aðgang að eldhúsi vegna kaffiveitinga.
Panta má salinn í afgreiðslu Bókasafnsins í síma 5959170.
Salurinn er opinn á afgreiðslutíma safnsins frá 10 – 19 virka daga nema föstudaga frá 10 - 17. Ef óskað er eftir notkun salarins utan þess tíma má koma óskum um það til starfsfólks.