Fréttir og útgefið efni

Á þessari síðu má finna tilkynningar og auglýsingar frá stofnunum bæjarins.

 

Tilkynningar

Ábending frá lögreglu varðandi óæskilegar mannaferðir 

22.10.2018

Í kjölfar tilkynninga frá íbúum til lögreglunnar og á bæjarskrifstofuna um menn sem hafa farið á milli húsa hér á Seltjarnarnesi (og annars staðar á höfuðborgarsvæðinu) og boðist til að spúla innkeyrslur, glugga eða þök gegn gjaldi.  

Lögreglan varar íbúa við því að kaupa þjónustu á þennan hátt enda bæði um að ræða ólöglegt athæfi og gert í sviksamlegum tilgangi. Að minnsta kosti tveir erlendir menn voru á ferðinni í síðustu viku í þessum erindagjörðum. Þeir voru klæddir áberandi gulum og appelsínugulum vestum, bönkuðu upp á með bækling og að buðu fram þjónustu sína. Í upphafi er boðið lágt verð í þjónustuna en svo þegar verkið er komið af stað eða er að ljúka þá er tilgreint að það þurfi að greiða meira því vinnan sé miklu meiri. 

Lögreglan hvetur íbúa til að afþakka strax alla svona þjónustu, losa sig við viðkomandi og hafa í framhaldi samband við lögregluna í síma 444 1000 (þjónustuver) eða 112. Ávallt er gott að gefa sem nákvæmasta lýsingu á stað, stund og lýsingum á fólki og farartækjum.

Þess ber að geta að starfsmenn þjónustumiðstöðvar Seltjarnarnesbæjar eru ávallt í merktum vinnufatnaði Seltjarnarnesbæjar. 

Senda grein

Fara í tilkynningar


Gott aðgengi fatlaðra, forgangur 1 Gott aðgengi fatlaðra, forgangur 2

Útlit síðu: