Útboð – endurskoðun hjá Seltjarnarnesbæ
Seltjarnarnesbær óskar eftir tilboði í endurskoðun á ársreikningum bæjarsjóðs Seltjarnarnesbæjar og stofnana hans fyrir árin 2019 - 2022.
Um eftirfarandi stofnanir er að ræða:
A hluti: Aðalsjóður, eignasjóður, framkvæmda- og þjónustumiðstöð
B hluti: Hitaveita, vatnsveita, fráveita, félagslegar íbúðir, dvalar- og hjúkrunarheimili.
Endurskoðunin er boðin út til fjögurra ára og lýtur að endurskoðun ofangreindra stofnana.
Útboðsgögn verða seld í þjónustuveri bæjarins að Austurströnd 2, Seltjarnarnesi, frá kl. 13:00 þriðjudaginn 4. júní 2019. Verð 5.000 kr.
Tilboð verða opnuð í fundarsal bæjarstjórnar að Austurströnd 2, föstudaginn 28. júní 2019 kl. 11:00 og verða þau þá opnuð í viðurvist þeirra bjóðenda er þar mæta.