Fréttir og útgefið efni

Á þessari síðu má finna tilkynningar og auglýsingar frá stofnunum bæjarins.

 

Tilkynningar

Leiðbeiningar um heimsóknir vegna COVID-19

30.6.2020

Vegna innanlandssmita og mögulegrar hópsýkingar á höfuðborgarsvæðinu hefur neyðarstjórn Seltjarnarnesbæjar gefið út tilmæli um heimsóknir í íbúðakjarna fyrir eldri bæjarbúa og sambýli fyrir fatlað fólk. 

• Fólk sem hefur verið erlendis á EKKI að heimsækja íbúa í 14 daga eftir komu til landsins. Þetta gildir einnig þó ekki hafi greinst smit við sýnatöku á landamærum. 
• Fólk sem hefur umgengist einstaklinga með smit á EKKI að heimsækja íbúa. 
• Fólk sem finnur fyrir kvefi eða flensulíkum einkennum á EKKI að heimsækja íbúa. 
• Heimsóknarbann gildir með óbreyttum hætti á sambýlið að Sæbraut 2. 

Starfsfólk í íbúðakjörnum, sambýli og heimaþjónustu fer eftir sömu tilmælum í starfi sínu. 

Aðrir gestir geta heimsótt íbúa, en mikilvægt er að fyllstu varúðar sé gætt og samfélagssáttmáli hafður í heiðri. 

Neyðarstjórn Seltjarnarnesbæjar mun fylgjast vel með framvindu mála og endurmeta stöðu eftir því sem tilefni er til á næstu vikum.

Senda grein

Fara í tilkynningar


Gott aðgengi fatlaðra, forgangur 1 Gott aðgengi fatlaðra, forgangur 2

Útlit síðu: