Vefþulan er vefþjónusta ætluð þeim sem einhverra hluta vegna eiga erfitt með að lesa texta af skjá

Fréttir og útgefið efni
Fréttir

Lýðheilsugöngur á Seltjarnarnesi í september

4.9.2017

Seltjarnarnesbær tekur þátt í verkefni Ferðafélags Íslands um lýðheilsugöngur í september.  Alla miðvikudaga í september getur almenningur tekið þátt í lýðheilsugöngum um allt land.  

Göngurnar eru hluti af afmælisdagskrá FÍ en félagið fagnar 90 ára afmæli á árinu. Göngurnar hefjast kl. 18:00 alla miðvikudaga vítt og breitt um landið og er fyrsta gangan 6. september. Um er að ræða fjölskylduvænar göngur sem taka  u.þ.b. 60-90 mín. Allar upplýsingar um göngustaði og gönguleiðir annars staðar á landinu má finna á vef verkefnisins www.fi.is/lydheilsa

Tilgangurinn með verkefninu er að hvetja fólk á öllum aldri til útivistar og hreyfingar í góðum félagsskap og efla þar með heilsu sína og lífsgæði. 

Göngur á Seltjarnarnesi og nágrenni.

Boðið verður upp á göngur miðvikudagana 6., 13., 20. og 27. september kl. 18:00. 


Miðvikud. 06. sept. kl. 18:00– Stríðsminjar. Valhúsahæð að Suðurnesi.

Upphafsstaður: Seltjarnarneslaug.  Fræðsla – Gunnar Þór Bjarnason, sagnfræðingur 
 Vegalengd 5,5 km

Gönguleið 6. september 2017

Miðvikud. 13. sept. kl. 18:00– Læknisgata, Ánanaust, Framnesvegur að Landakoti. 

Upphafsstaður: Seltjarnarneslaug.  Fræðsla – Jón Ólafur Ísberg, sagnfræðingur.

Vegalengd 5 – 5,5 km

Gönguleið 13. september 2017

Miðvikud. 20 sept. kl. 18:00– Frá verbúðum til golfvallar.

Upphafsstaður: Sundlaug Seltjarnarness.  Fræðsla – Kristinn Ólafsson, formaður Golfklúbbs Ness.

Vegalengd 5, 8 km

Gönguleið 20. september 2017

Miðvikud. 27. sept. kl. 18:00 – Náttúra og minjar í Gróttu og nágrenni.

Upphafsstaður: Bílaplan v/Gróttu (Snoppa).  Fræðsla – Ásgerður Halldórsdóttir, bæjarstjóri 

Vegalengd 4,8 km

Gönguleið 27. september 2017

Seltirningar eru hvattir til að taka þátt í göngunum þar sem boðið verður upp á fróðleik, auðvelda hreyfingu og umfram allt góðan félagsskap göngumanna.  

Allar upplýsingar um göngustaði og gönguleiðir annars staðar á landinu má finna á vef verkefnisins www.fi.is/lydheilsa. Þar gefst almenningi einnig kostur á að skrá sig í lukkupott sem dregið verður úr í október og geta heppnir göngugarpar hreppt glæsilega vinninga.




Senda grein

Fréttir og útgefið efni




Leitaðu í eldri fréttum





Gott aðgengi fatlaðra, forgangur 1 Gott aðgengi fatlaðra, forgangur 2

Útlit síðu: