Vefþulan er vefþjónusta ætluð þeim sem einhverra hluta vegna eiga erfitt með að lesa texta af skjá

Fréttir og útgefið efni
Fréttir

Íbúaþing um þjónustu við fatlað fólk á Seltjarnarnesi

8.11.2017

Íbúaþing 11. nóvember 2017
Seltjarnarnesbær stendur fyrir íbúaþingi um þjónustu bæjarins við fatlað fólk í bæjarfélaginu og mótun framtíðarsýnar í málaflokknum, laugardaginn 11. nóvember í Valhúsaskóla kl. 10-13.30. Ásgerður Halldórsdóttir bæjarstjóri mun setja þingið en bæjarfulltrúarnir Árni Einarsson og Bjarni Torfi Álfþórsson stýra því. Boðið verður upp á kaffi og léttan hádegismat.

Fyrirkomulag þingsins verður með þeim hætti að haldnar verða stuttar kynningar á þeirri þjónustu sem nú þegar er í boði og í framhaldi verður unnið í hópum til að draga fram umræður og nýjar hugmyndir.

Fatlað fólk, aðstandendur, stjórnmálamenn, starfsfólk og aðrir áhugasamir eru hvattir til að mæta og taka þátt í umræðunum. Leggja þannig bæði þekkingu sína og hugmyndir í púkkið til að þjónustan og framtíðarsýnin verði sem best úr garði gerð.

Áhugasamir skrái þátttöku á postur@seltjarnarnes.is eða í síma 5959100.

9.30 -10.00 – Mæting og skráning, boðið upp á kaffi og meðlæti.

  • Ásgerður Halldórsdóttir bæjarstjóri setur málþingið.
  • Árni Einarsson og Bjarni Torfi Álfþórsson bæjarfulltrúar eru fundarstjórar og kynna fyrirkomulag þingsins.
  • Snorri Aðalsteinsson félagsmálastjóri kynnir verkefnið og stöðu þjónustu við fatlað fólk í bæjarfélaginu.
  • Ásgeir Sigurgestsson stjórnsýslufræðingur kynnir helstu lög og reglur sem mæla fyrir um þjónustu við fatlað fólk.
  • Umræðuhópar um þjónustu við börn og ungmenni.
    Jóhanna Ólafsdóttir yfirþroskaþjálfi í Grunnskóla Seltjarnarness kynnir helstu þætti þjónustu fyrir fötluð börn og ungmenni.
    Umræðuhópar, fundarmenn velja hópa eftir umræðuefnum:

          Þjónustu við fötluð börn í leik og grunnskóla.
          Þjónustu sem veitt er utan skólatíma til barna og fjölskyldna þeirra.
          Frístundir, tómstunda- og íþróttaiðkun.

    Greint frá helstu niðurstöðum hópanna.
  • Hlé - boðið upp á léttan málsverð.
  • Umræðuhópar um þjónustu við fullorðna
    Ásrún Jónsdóttir þroskaþjálfi og forstöðumaður búsetukjarnans á Sæbraut 2 kynnir þjónustu við fullorðið fatlað fólk.
    Umræðuhópar, fundarmenn velja hópa eftir umræðuefnum:

         Búsetuúrræði fatlaðs fólks með tilliti til fötlunar.
         Dagþjónustuúrræði fatlaðs fólks / atvinna og virkni.
         Félagsleg samlögun fatlaðra við nærsamfélagið.
         Þjónusta við aldurshópinn 16 – 20 ára, framhaldsskólanema.

    Greint frá helstu niðurstöðum hópanna.
  • Íbúaþingsslit: Fundarstjórar fara yfir það helsta sem komið hefur fram á þinginu.

Skráning á postur@seltjarnarnes.is eða í síma 5959100
Senda grein

Fréttir og útgefið efni




Leitaðu í eldri fréttum





Gott aðgengi fatlaðra, forgangur 1 Gott aðgengi fatlaðra, forgangur 2

Útlit síðu: