Vefþulan er vefþjónusta ætluð þeim sem einhverra hluta vegna eiga erfitt með að lesa texta af skjá

Fréttir og útgefið efni
Fréttir

Velheppnað íbúaþing!

15.11.2017

Íbúaþing um þjónustu við fatlað fólk á Seltjarnarnesi og framtíðarsýn í málefnum þess var haldið í Valhúsaskóla laugardaginn 11. nóvember sl. Þingið þykir hafa heppnast vel og var vel sótt en hátt í 50 manns tóku virkan þátt.

Íbúaþing 11. nóvember 2017

Aðdraganda íbúaþingsins má rekja til þess að bæjarstjórn Seltjarnarness skipaði á vormánuðum stýrihóp um stefnumótun í málefnum fatlaðs fólks í bæjarfélaginu. Þingið var svo hugsað sem liður í því að safna upplýsingum og hugmyndum frá öllum hutaðeigandi hagsmunaaðilum til að gera þjónustuna sem markvissasta. Árni Einarsson og Bjarni Torfi Álfþórsson bæjarfulltrúar voru fundarstjórar og stýrðu umræðum í hópum.

Dagskrá þingsins var með hætti að í upphafi voru haldnar stuttar kynningar á þeirri þjónustu sem fötluðu fólki stendur nú þegar til boða auk þess sem kynnt voru helstu lög og reglur sem mæla fyrir um þjónustu við fatlað fólk almennt. Þátttakendum var í framhaldi skipt upp í umræðuhópa sem tóku fyrir mismunandi málefni bæði út frá börnum og fullorðnum. Viðfangsefnin voru þjónusta við fatlað fólk, þátttaka þess í samfélaginu og hvernig best sé að haga þjónustu og stuðla að virkni fatlaðra þegar horft er til framtíðar.

Íbúaþing 11. nóvember 2017

Umræðurnar voru líflegar og margar hugmyndir á lofti en hópstjórar gerðu í lokin grein fyrir starfi hvers hóps. Allar niðurstöður og tillögur voru skráðar niður og verða notaðar sem mikilvægt innlegg og vegvísir í áframhaldandi stefnumótunarvinnu stýrihópsins. Hans bíður nú að vinna drög að stefnumótun í málefnum fatlaðra á Seltjarnarnesi og leggja fyrir bæjarstjórn á vormánuðum 2018.

Öllum þátttakendum íbúaþingsins eru færðar bestu þakkir fyrir þeirra framlag. 



Íbúaþing 11. nóvember 2017

Íbúaþing 11. nóvember 2017

Íbúaþing 11. nóvember 2017

Íbúaþing 11. nóvember 2017

Senda grein

Fréttir og útgefið efni




Leitaðu í eldri fréttum





Gott aðgengi fatlaðra, forgangur 1 Gott aðgengi fatlaðra, forgangur 2

Útlit síðu: