Vefþulan er vefþjónusta ætluð þeim sem einhverra hluta vegna eiga erfitt með að lesa texta af skjá

Fréttir og útgefið efni
Fréttir

Kynning á drögum og samráð vegna stefnumótunar í málefnum fatlaðs fólks

15.3.2018

Samkvæmt ákvörðun bæjarráðs frá 23. mars 2017 hefur stýrihópur starfað við stefnumótun í málefnum fatlaðs fólks á þjónustusvæði Seltjarnarnesbæjar. Til að stefnan endurspegli áherslur og sýn fatlaðs fólks hefur stýrihópurinn hefur lagt áherslu á að eiga samtöl og samráð við fatlað fólk, aðstandendur þeirra og hagsmunasamtök. Að auki var boðað til opins íbúafundar í því skyni að kalla fram frekari hugmyndir.

Stýrihópurinn hefur nú lagt fram drög að stefnumótun í þessum málaflokki til bæjarráðs og er þau að finna á heimasíðu Seltjarnarnesbæjar auk þess sem kallað er eftir frekari ábendingum og athugasemdum frá íbúum. Fólk er eindregið hvatt til þess að kynna sér drögin og koma sjónarmiðum sínum á framfæri, hvort sem er um að ræða ábendingar eða athugasemdir.

Stefnumótun í málefnum fatlaðs fólks á Seltjarnarnesi, skýrsla/tillögur stýrihóps

Athugasemdir/ábendingar þurfa að berast í síðasta lagi 15. apríl 2018Þær má senda skriflega á Bæjarskrifstofur Seltjarnarnesbæjar, Austurströnd 2, 170 Seltjarnarnes eða í tölvupósti á netfangið postur@seltjarnarnes.is.

Þegar að stefna í málefnum fatlaðs fólks  hefur verið afgreidd í bæjarstjórn, mun stýrihópurinn strax hefja vinnu við framkvæmdaáætlun sem gert er ráð fyrir að ljúki þann 31. maí 2018.

Senda grein

Fréttir og útgefið efni




Leitaðu í eldri fréttum





Gott aðgengi fatlaðra, forgangur 1 Gott aðgengi fatlaðra, forgangur 2

Útlit síðu: