Vefþulan er vefþjónusta ætluð þeim sem einhverra hluta vegna eiga erfitt með að lesa texta af skjá

Fréttir og útgefið efni
Fréttir

UPPTAKTURINN 2021 - Tónsköpunarverðlaun barna og ungmenna

12.1.2021

Enn á ný er blásið til leiks í Upptaktinum, tónsköpunarverðlaunum barna og ungmenna sem er samstarfsverkefni Barnamenningarhátíðar, Hörpu, Listaháskóla Íslands, RÚV og Tónlistarborgarinnar Reykjavík. Upptakturinn snýst um að öll börn á aldrinum 10-15 ára á höfuðborgarsvæðinu gefst kostur á að setja saman og senda inn tónsmíð eða drög að tónsmíð óháð tónlistarstíl fyrir 21. febrúar nk.

Þetta er í fjórða sinn sem Seltjarnarnesbær styrkir þátttöku ungmenna á Seltjarnarnesi og hefur börnum héðan vegnað afar vel í keppninni og m.a. komist í lokaúrtakið í tvígang.

Ítarlegar upplýsingar um Upptaktinn, fyrirkomulagið og kynningarmyndbönd er að finna á:
https://www.facebook.com/Upptakturinn

KrakkaRúv og UngRúv
Tónleikana og viðtöl frá Upptaktinum 2019 má finna á www.ruv.is/ungruv/renningur/upptakturinn
Tónverkum og viðtölum frá Upptaktinum 2020 verður útvarpað núna í janúar og febrúar 2021 oghér má finna fyrsta þátt af sex: https://www.ruv.is/krakkaruv/spila/hlustadu-nu/30718/94ucfh

Þegar að umsóknarfresti lýkur þann 21. febrúar nk. mun dómnefnd skipuð fagaðilum og atvinnutónlistarmönnum taka til starfa og velja 12-13 verk úr innsendum hugmyndum. Þau verk verða svo fullunnin af ungmennunum sjálfum í vinnustofu í Hörpu með aðstoð tónskálda og fagfólks í tónlist og fer sú vinnustofa fram 16.-24. mars.
Þriðjudaginn 20. apríl verða tónverkin flutt af fagfólki á metnaðarfullri og glæsilegri tónleikadagskrá í Hörpu og eru hluti af Barnamenningarhátíðinni. Öll verkin á tónleikunum hljóta tónsköpunarverðlaunin Upptaktinn 2021.

Við eigum mikið af hæfileikaríkum krökkum hér á Nesinu og því eru foreldrar eindregið hvattir til að vekja athygli sinna barna á Upptaktinum og hvetja þau til þátttöku. Nemendur geta leitað ráða hjá kennurum í tónlistarskólanum og starfsfólkinu í Frístundinni og Selinu sem hafa allar upplýsingar og eru reiðubúin að aðstoða og hvetja.
Senda grein

Fréttir og útgefið efni




Leitaðu í eldri fréttum





Gott aðgengi fatlaðra, forgangur 1 Gott aðgengi fatlaðra, forgangur 2

Útlit síðu: