Vefþulan er vefþjónusta ætluð þeim sem einhverra hluta vegna eiga erfitt með að lesa texta af skjá

Fréttir og útgefið efni
Fréttir

Umhverfisdagar á Seltjarnarnesi 3. - 10. maí 2021

27.4.2021

Árlegir umhverfisdagar á Seltjarnarnesi verða haldnir vikuna 3. - 10. maí nk. þar sem Seltirningum gefst kostur á að setja trjágreinar og jarðvegsúrgang í gáma á fimm stöðum í bæjarfélaginu. Nú er ennfremur tíminn til að snyrta gróður við lóðarmörk.

Gámarnir verða staðsettir á eftirfarandi stöðum:
  • Við Smábátahöfnina
  • Á horni Lindarbrautar og Norðurstrandar
  • Á Eiðistorgi
  • Að Austurströnd 1 (bílaplan)
  • Við Sæbraut 2 (bílaplan) 
Bæjarbúar eru eindregið hvattir til að nýta sér umhverfisdagana fyrir vorverkin á eigin lóðum en einnig að huga að umhverfinu og tína upp rusl í bæjarlandinu.

Umhverfisdagar 2021

Snyrtum gróður við lóðarmörk:
Fjölbreyttur garðagróður fegrar umhverfi Seltjarnarness og veitir íbúum skjól í görðum sínum. Þar sem gróðurinn vex ár hvert er nauðsynlegt að huga vel að því að hann vaxi ekki út fyrir lóðarmörk eða slúti þannig að hætta stafi af. 

Gróður getur slegist í gangandi og hjólandi vegfarendur með tilheyrandi hættu á slysum. Einnig geta greinar skyggt á umferðarmerki, götumerkingar eða jafnvel götulýsingu.

Snyrta þarf gróður og klippa þannig að hvers konar umferð gangi greiðlega. Best er að gera það þegar tré og runnar eru ekki laufguð og greinabygging því vel sýnileg. 

Það er mikilvægt að allir standi saman um að minnka hættur í umhverfi okkar!

Snyrtum gróður við lóðarmörk

Senda grein

Fréttir og útgefið efni




Leitaðu í eldri fréttum





Gott aðgengi fatlaðra, forgangur 1 Gott aðgengi fatlaðra, forgangur 2

Útlit síðu: