Vefþulan er vefþjónusta ætluð þeim sem einhverra hluta vegna eiga erfitt með að lesa texta af skjá

Fréttir og útgefið efni
Fréttir

Seltjarnarnesbær hlýtur viðurkenninguna Jafnvægisvog FKA

15.10.2021

JafnvægisvogSeltjarnarnesbær hlaut í gær viðurkenninguna Jafnvægisvogin en um er að ræða hreyfiaflsverkefni Félags kvenna í atvinnurekstri (FKA) og var kynnt í gær af Elizu Reid á ráðstefnunni Jafnrétti er ákvörðun.

Jafnvægisvogin veitti viðurkenningar til þrjátíu og átta fyrirtækja, sjö sveitarfélaga og átta opinberra aðila úr hópi þeirra 152 þátttakenda sem hafa undirritað viljayfirlýsingu og tóku þátt í könnun um aðgerðir sem gripið var til. 

Markmið Jafnvægisvogar um 40/60 kynjahlutfall í efsta stjórnendalagi var haft til hliðsjónar við matið. Stór hluti þeirra þátttakenda sem skrifuðu undir viljayfirlýsingu Jafnvægisvogarinnar haustið 2020 hafa náð góðum árangri á þessu sviði og fjölgaði þeim fyrirtækjum sem hafa náð markmiðunum um 8 á milli ára. Auk þess vekja þátttakendur í Jafnvægisvoginni athygli á jafnréttismálum innan sinna fyrirtækja með ýmsum öðrum hætti. 

Hér má sjá fréttatilkynningu FKA í heild sinni.

Mikil ánægja er með þessa viðurkenningu innan Seltjarnarnesbæjar enda markvisst unnið að því að tryggja jafna stöðu kynjanna. Seltjarnarnesbær hlaut til að mynda Jafnlaunavottun í desember 2020. 

Jafnvægisvog 2021
Ari Eyberg mannauðsstjóri tók við viðurkenningunni fyrir hönd Seltjarnarnesbæjar.


Senda grein

Fréttir og útgefið efni




Leitaðu í eldri fréttum





Gott aðgengi fatlaðra, forgangur 1 Gott aðgengi fatlaðra, forgangur 2

Útlit síðu: