Vefþulan er vefþjónusta ætluð þeim sem einhverra hluta vegna eiga erfitt með að lesa texta af skjá

Fréttir og útgefið efni
Fréttir

Dagur íslenskrar tungu

16.11.2005

Dagur íslenskrar tunguÍ dag, 16. nóvember er dagur íslenskrar tungu, en þann dag árið 1807 fæddist Jónas Hallgrímsson. Í tilefni dagsins stendur Grunnskóli Seltjarnarness fyrir sérstöku átaki í þágu íslensks máls.

Mýrarhúsaskóli

Í byrjun nóvember hófst lestrarsprettur sem allir nemendur skólans tóku þátt í og sjá má merki um víða um skólann. Nemendur úr þremur elstu bekkjardeildunum fara í heimsóknir í yngri bekkina og lesa fyrir nemendur úr íslenskum barnabókum.

Dagur íslenskrar tunguNemendur vinna fjölbreytt verkefni t.d. lesa og syngja íslenska dægurlagatexta og myndskreyta þá. Búin verður til ,,orðabók” þar sem nemendur útskýra í máli og myndum sjaldgæf orð. Orðabókin verður síðan hengd upp á áberandi stað.

Nemendur fá kynningu á Jónasi Hallgrímssyni og unnið verður með ljóð hans og sögur á fjölbreyttan hátt og verkefnin kynnt með ýmsu móti.

Valhúsaskóli

Jónas Hallgrímsson var mikill málverndunarsinni og á móti slettum og tökuorðum. Þess vegna vinna nemendur m.a. með „nýyrðasmíð“. Hlustað verður á og unnið með ljóð eftir höfunda „gormabókarinnar“. Nemendur í 8. bekk horfa ennfremur á kvikmynd um Hrafnkelssögu sem sýnd verður í Félagsheimilinu.

Dagur íslenskrar tungu



Senda grein

Fréttir og útgefið efni




Leitaðu í eldri fréttum





Gott aðgengi fatlaðra, forgangur 1 Gott aðgengi fatlaðra, forgangur 2

Útlit síðu: