Vefþulan er vefþjónusta ætluð þeim sem einhverra hluta vegna eiga erfitt með að lesa texta af skjá

Fréttir og útgefið efni
Fréttir

Sýning Landverndar: Vistvernd í verki

16.1.2006

Sýning Landverndar - Vistvernd í verkiÍ tengslum við verkefnið Vistvernd í verki hefur verið sett upp sýning um vistvænni lífsstíl í Bókasafni Seltjarnarness á Eiðistorgi og mun hún standa frá 15. janúar til 15. mars.

Vistvernd í verki er alþjóðlegt umhverfisverkefni fyrir heimili. Markmið verkefnisins er að styðja og hvetja fólk til að taka upp vistvænni lífsstíl skref fyrir skref á þeim hraða sem hver velur sér. Verkefnið er hið eina sinnar tegundar í heiminum svo vitað sé og hafa kannanir sýnt að það skilar miklum og varanlegum árangri í bættri umhverfisvitund og hegðun.

Sýning Landverndar - Vistvernd í verkiMeð ýmsum einföldum breytingum á daglegu lífi má gera lífsstílinn vistvænni án þess að draga úr lífsgæðum. Margt smátt gerir eitt stórt. Með víðtækri þátttöku í slíkum aðgerðum má ná miklum umhverfislegum ávinningi fyrir samfélagið. Vistvernd í verki er aðferð til að koma þessu til leiðar. Reynslan sýnir að vistvænir lífshættir leiða einnig til fjárhagslegs sparnaðar, bæði fyrir samfélagið sem og þær fjölskyldur sem í hlut eiga.

Seltjarnarnesbær hefur tekið höndum saman við Landvernd um að bjóða íbúum þátttöku í verkefninu Vistvernd í verki. Sýning Landverndar - Vistvernd í verkiTæplega 600 heimili á landinu hafa tekið þátt í verkefninu og fært þannig heimilishaldið og lífsstílinn í vistvænna horf.

Þeir sem vilja taka þátt í verkefninu eða fá frekari upplýsingar er bent á að hafa sambnd við Hrafnhildi Sigurðardóttur hjá Seltjarnarnesbæ sími 5959 100 eða hrafnhildur@seltjarnarnes.is. Einnig er hægt að skoða heimasíðu verkefnisins www.landvernd.is/vistvernd

Senda grein

Fréttir og útgefið efni




Leitaðu í eldri fréttum





Gott aðgengi fatlaðra, forgangur 1 Gott aðgengi fatlaðra, forgangur 2

Útlit síðu: