Vefþulan er vefþjónusta ætluð þeim sem einhverra hluta vegna eiga erfitt með að lesa texta af skjá

Fréttir og útgefið efni
Fréttir

Geimálfinum dreift í Mýrarhúsaskóla

23.2.2004

Félagar úr slysavarnardeild kvenna á Seltjarnarnesi afhentu nemendum í 5. og 6. bekk lífsleikninámsefnið "Geimálfurinn" að gjöf fimmtudaginn 19. feb. sl. Regína Höskuldsdóttir, skólastjóri veitti gjöfinni viðtöku í sal skólans að viðstöddum nemendum.

Geimálfurinn í MýrahúsaskólaÁ hverjum degi kemur einn grunnskólabekkur, 24 krakkar, á slysadeild Landspítalans í Fossvogi til að láta gera að stórum sem smáum skrámum sem eru afleiðingar slysa sem þau lenda í, en Íslendingar eiga það vafasama Norðurlandamet að vera með flest slys á börnum og unglingum miðað við fjölda.

Slysavarnarfélagið Landsbjörg vill reyna að stoppa þessa þróun og fækka slysum í þessum hópi. Liður í því er að gefa 4.-6. bekkjum grunnskóla landsins námsefni í lífsleikni sem kennir börnum um hættur í umhverfinu og hvernig megi forðast þær.

Til að fræða börnin um hætturnar í umhverfinu hefur verið sköpuð vera, geimálfur, sem kemur frá plánetunni Varslys, en hún lendir í fjölmörgum hættum á ferð sinni um jörðina og lærir með því móti hvernig megi forðast þær.

Kennsluefnið er í 6 kennsluheftum, fyrir mismunandi námsstig. Þemaheftin heita Brotlending geimálfsins, Merkjalandið Ísland, Rafmagn og opinn eldur, Ár, höf og vötn, Efnin í umhverfinu og Umferðin.  

 



Senda grein

Fréttir og útgefið efni




Leitaðu í eldri fréttum





Gott aðgengi fatlaðra, forgangur 1 Gott aðgengi fatlaðra, forgangur 2

Útlit síðu: