Vefþulan er vefþjónusta ætluð þeim sem einhverra hluta vegna eiga erfitt með að lesa texta af skjá

Fréttir og útgefið efni
Fréttir

Foreldraráð og foreldrafélag Grunnskóla Seltjarnarness opna heimasíðu

1.3.2007

Foreldraráð og foreldrafélag Grunnskóla Seltjarnarness vilja vekja athygli á nýrri heimasíðu svæðaráðsins á Seltjarnarnesi, www.nesforeldrar.is

Svæðaráð er samstarfsvettvangur foreldraráða og foreldrafélaga og málsvari grunnskólanemenda í sveitarfélaginu. Tilgangur svæðisráðsins er að styrkja rödd foreldra sem hagsmunahóps í sveitarfélaginu og sameina krafta þeirra til góðra verka í skólamálum.

Ráðið vinnur að sameiginlegum málefnum nemenda í grunnskólum sveitarfélagsins og foreldra þeirra, veitir skólanefnd umsagnir um ýmis mál er varða starfsemi grunnskólanna og er bæjaryfirvöldum til aðstoðar og ráðuneytis um skóla- og fjölskyldumál.

Svæðisráðið er tengiliður foreldra á svæðinu við Heimili og skóla, landssamtök foreldra og tilnefnir fulltrúa til setu í fulltrúaráði samtakanna.

Til efla foreldrasamstarf á Seltjarnarnesi í samvinnu við skóla og bæjaryfirvöld var ákveðið að setja á laggirnar heimasíðu til að miðla upplýsingum til foreldra og forsjáraðila barna og unglinga á Nesinu. Heimasíðan er líka góður vettvangur fyrir þá sem vilja koma á framfæri ábendingum og öðrum upplýsingum.  Það er okkar ósk að sem flestir nýti sér þessar öflugu samskiptaleið á jákvæðan og öruggan hátt.

Á heimasíðunni birtast m.a. fundargerðir foreldraráðsins og foreldrafélagsins.  Einnig koma þar fram upplýsingar um foreldraröltið, viðburði á vegum svæðaráðsins og annarra hagsmunaaðila og margt fleira.  Það er okkar markmið að hafa heimasíðuna virka og öfluga til að virkja foreldra og forsjáraðila til samstarfs eins og best er á kosið.

Senda grein

Fréttir og útgefið efni




Leitaðu í eldri fréttum





Gott aðgengi fatlaðra, forgangur 1 Gott aðgengi fatlaðra, forgangur 2

Útlit síðu: