Fréttir
Nýir aðstoðarskólastjórar ráðnir til starfa
Gengið hefur verið frá ráðningu nýrra aðstoðarskólastjóra Grunnskóla Seltjarnarness en núverandi aðstoðarskólastjórar, þeir Gísli Ellerup og Marteinn M. Jóhannsson, láta af störfum í vor eftir áratuga farsælt starf. Nýir aðstoðarskólastjórar verða þau Baldur Pálsson og Ólína Thoroddsen sem metin voru hæfust umsækjenda af ráðningarþjónustu Capacent.
Baldur er með BEd gráðu frá Volda Lærerhögskole í Oslo og lagði stund á rekstrarfræðinám við Bedriftsökonomisk Institut í sömu borg. Hann lýkur diplomanámi í stjórnun við KHÍ í sumar. Baldur hefur meðal annars starfað í Norges Bank og verið aðstoðarskólastjóri Smáraskóla í Kópavogi. Ólína er með BEd gráðu frá KHÍ og líkur diplomanámi í stjórnun frá sama skóla í sumar. Hún hefur starfað við Grunnskóla Seltjarnarness síðan 1980, bæði við kennslu, deildarstjórn, stigsstjórn og sem aðstoðarskólastjóri.
