Vefþulan er vefþjónusta ætluð þeim sem einhverra hluta vegna eiga erfitt með að lesa texta af skjá

Fréttir og útgefið efni
Fréttir

Óskað eftir svörum frá heilbrigðisráðuneytinu

18.9.2007

Framkvæmdir við byggingu hjúkrunarheimilis á Lýsislóðinni á horni Grandavegar og Eiðisgranda eiga samkvæmt samningi að hefjast í byrjun næsta árs. Í maí 2006 var undirritað, að frumkvæði Seltjarnarnesbæjar, þríhliða samkomulag við Reykjavíkurborg og heilbrigðis- og tryggingamálaráðuneytið um byggingu á hjúkrunarheimili á Lýsislóðinni.

Hér á hjúkrunarheimili að rísaSamkomulagið hljóðaði upp á að Seltjarnarnesbær legði til lóðina sem er talin andvirði hundruð milljóna króna. Þá greiðir Seltjarnarnesbær einnig 10 % af heildarkostnaði framkvæmdarinnar en ráðuneytið greiðir 70% og Reykjavíkurborg 20%.

Auk þess hefur verið gert ráð fyrir fjármagni vegna framkvæmdarinnar í fjárhagsáætlun bæjarins allt frá undirritun samkomulagsins. Þá hafa bæjaryfirvöld á Seltjarnarnesi fundað reglulega með samningsaðilum og lagt þunga áherslu á að unnið yrði markvisst að framkvæmd samkomulagsins.

Hefur ráðuneytið gefið til kynna áherslubreytingar varðandi byggingu og skipulag hjúkrunarheimila, en ekki staðfest breytingarnar. Þá hefur ráðuneytið hvorki lagt til breytingar á hinu þríhliða samkomulagi né riftun þess.

Bæjarstjórinn á Seltjarnarnesi, Jónmundur Guðmarsson, hefur sent Heilbrigðis- og tryggingamálaráðherra bréf með kröfu um skýringar á afstöðu ráðherra til samkomulagsins og framvindu framkvæmdanna.

Bæjaryfirvöldum á Seltjarnarnesi er umhugað um að fækka biðlistum og geta boðið öldruðum og sjúkum dvalarkost á hjúkrunarheimili við hæfi.

Senda grein

Fréttir og útgefið efni




Leitaðu í eldri fréttum





Gott aðgengi fatlaðra, forgangur 1 Gott aðgengi fatlaðra, forgangur 2

Útlit síðu: