Vefþulan er vefþjónusta ætluð þeim sem einhverra hluta vegna eiga erfitt með að lesa texta af skjá

Fréttir og útgefið efni
Fréttir

Allt starfsfólk Seltjarnarnesbæjar fær 120.000 króna eingreiðslu þann 1. maí nk.

120.000 króna launauppbót fyrir fullt starf og öðrum greitt skv. starfshlutfalli

16.4.2008

Fjárhags- og launanefnd samþykkti á dögunum tillögu bæjarstjóra um sérstaka launauppbót til starfsfólks bæjarins. Öllu starfsfólki að bæjarstjóra undanskildum verður greidd 120.000 króna eingreiðsla. Greiðslan sem tekur mið af starfshlutfalli og verður greidd út á degi verkalýðsins þann 1. maí næstkomandi.

Að sögn Jónmundar Guðmarssonar, bæjarstjóra miðar aðgerð þessi að því að tryggja stöðugleika í starfsmannahaldi bæjarins á óróleikatímum á vinnumarkaði. “Bærinn vill með þessu umbuna starfsfólki sínu fyrir að viðhalda framúrskarandi þjónustu á stofnunum bæjarins við krefjandi aðstæður. Á sama tíma og mannekla og álag á mörgum stofnunum nágrannasveitarfélagana hefur komið niður á þjónustunni, einkanlega í leikskólum og grunnskólum, hafa starfsmenn hér staðið saman um að leysa málin frá degi til dags og án þess að ástandið hafi komið niður á bæjarbúum. Hér hefur skólum ekki verið lokað eða börn send heim og ég tel mikilvægt að slíkt sé metið.”

Síðastliðið haust var samþykkt að nýta heimild í kjarasamningi leikskólakennara um tímabundin viðbótarlaun vegna markaðsaðstæðna. Heimildin var nýtt til að bregðast við markaðsaðstæðum og vanda við mönnun leikskóla. Á sama tíma var leik- og grunnskólastjórum heimilað að greiða ófaglærðu starfsfólki yfirvinnu vegna tímabundinna aukinna verkefna og álags sem skapaðist í skólum vegna starfsmannaeklu. Í desember samþykkti bæjarstjórn einnig að greiða öllu starfsfólki bæjarins eingreiðslu að fjárhæð kr. 30.000 til að bregðast við aðstæðum á vinnumarkaði.



Senda grein

Fréttir og útgefið efni




Leitaðu í eldri fréttum





Gott aðgengi fatlaðra, forgangur 1 Gott aðgengi fatlaðra, forgangur 2

Útlit síðu: