Vefþulan er vefþjónusta ætluð þeim sem einhverra hluta vegna eiga erfitt með að lesa texta af skjá

Fréttir og útgefið efni
Fréttir

Hugað að umferðaröryggi við skóla bæjarins

10.9.2008

UmferðarskiltiSkólanefnd og skipulags- og mannvirkjanefnd Seltjarnarnesbæjar hafa undanfarin ár staðið sameiginlega fyrir umferðarátaki meðal skólabarna í við upphaf og lok skólaársins. Tilgangurinn er að vekja athygli á öryggi barnanna í umferðinni og reyna að draga úr mikilli umferð bifreiða við skólana. Sett hafa verið upp varúðarskilti mynd af skólabörnum til að minna ökumenn á að gæta ýtrustu varkárni í umferðinni við upphaf skólaárs. Á skiltunum eru myndir af sex ára börnum sem eru að byrja í skóla ásamt texta sem minnir á að börnin eru óreynd í umferðinni og að vegfarendur þurfa að sýna fyllstu varkárni.

UmferðaskiltiNú þegar skólastarf er komið í fullan gang og styttist í að skammdegið gangi í garð er ástæða til að brýna fyrir þeim sem eru á ferðinni umhverfis skóla- og íþróttamannvirki bæjarins að sýna sérstaka aðgætni í umferðinni. Mikið er um að börnum sé ekið í skóla en slíkt skapar oft þunga umferð í kringum þá. Umferðarþunga í kringum skóla má auðveldlega minnka með því að hvetja börnin til að ganga í skólann eða hleypa þeim úr bílum við göngustíga í námunda við skólana í stað þess að keyra þau upp að dyrum.

Senda grein

Fréttir og útgefið efni




Leitaðu í eldri fréttum





Gott aðgengi fatlaðra, forgangur 1 Gott aðgengi fatlaðra, forgangur 2

Útlit síðu: