Vefþulan er vefþjónusta ætluð þeim sem einhverra hluta vegna eiga erfitt með að lesa texta af skjá

Fréttir og útgefið efni
Fréttir

Fréttatilkynning frá Stjórn Samtaka sveitarfélaga á höfuðborgarsvæðinu.

9.10.2008

Stjórn Samtaka sveitarfélaga á höfuðborgarsvæðinu ( SSH ) hélt aukafund miðvikudaginn 8. október til að ræða og fara yfir þá alvarlegu stöðu sem upp er komin í efnahagslífi þjóðarinnar og áhrifa þeirrar stöðu á rekstur og afkomu sveitarfélaganna.

Þrátt fyrir að sú staða sem nú er uppi hafi nú þegar leitt til versnandi fjárhags sveitar-félaganna, og staða þeirra eigi að óbreyttu enn eftir að versna, þá verður lögð áhersla á að tryggja rekstur aðildarsveitarfélaga SSH með óbreyttum hætti á komandi mánuðum og að öll grunn- og velferðarþjónusta sem þau veita íbúunum mun ekki skerðast.

Sveitarfélögin munu í sameiningu leita allra þeirra leiða sem færar eru til að fjármagna rekstur og framkvæmdir á komandi ári til að tryggja að ekki komi til skerðingar á þjónustu og til að unnt verði að fjármagna nauðsynlegar framkvæmdir og vinna þannig svo sem kostur er gegn neikvæðum áhrifum núverandi ástands á atvinnustig á höfuðborgarsvæðinu.

Stjórn SSH telur afar mikilvægt að sveitarfélögin gangi samstillt til þeirra verkefna sem nauðsynleg eru til að bregðast við núverandi ástandi, og telur ekki síður mikilvægt að náið samráð verði milli sveitarfélaganna og ríkisvaldsins um lausnir og leiðir sem fara þarf til að ná þessum markmiðum.

Stjórn SSH:

Gunnar Einarsson, bæjarstjóri, Garðabæ, formaður stjórnar
Haraldur Sverrisson, bæjarstjóri, Mosfellsbæ, varaformaður stjórnar
Hanna Birna Kristjánsdóttir, borgarstjóri, Reykjavík
Gunnar Birgisson bæjarstjóri, Kópavogi
Lúðvík Geirsson, bæjarstjóri, Hafnarfirði
Jónmundur Guðmarsson bæjarstjóri, Seltjarnarnesi
Sigurður Magnússon, bæjarstjóri, Álftanesi
Sigurbjörn Hjaltason, oddviti, Kjósarhreppi



Senda grein

Fréttir og útgefið efni




Leitaðu í eldri fréttum





Gott aðgengi fatlaðra, forgangur 1 Gott aðgengi fatlaðra, forgangur 2

Útlit síðu: