Vefþulan er vefþjónusta ætluð þeim sem einhverra hluta vegna eiga erfitt með að lesa texta af skjá

Fréttir og útgefið efni
Fréttir

Grunnskóli Seltjarnarness hefur hlotið Grænfánann

29.4.2010

Grunnskóli Seltjarnarness fær GrænfánaDagur umhverfisins er haldinn 25. apríl ár hvert, en þann dag árið 1762 fæddist Sveinn Pálsson, fyrsti íslenski náttúrufræðingurinn. Í Grunnskóla Seltjarnarness var haldið upp á daginn þann 27. apríl og þá tók skólinn á móti Grænfánanum.

Grænfáninn er afhentur til tveggja ára í senn en hann er umhverfismerki sem nýtur virðingar víða í Evrópu sem tákn um árangursríka fræðslu og umhverfisstefnu í skólum.

Markmiðið með grænfánaverkefninu er þannig meðal annars að bæta umhverfi skólans og minnka úrgang og notkun á vatni og orku, að auka umhverfisvitund með menntun, efla alþjóðlega samkennd og tengja skólann við samfélag sitt og almenning.

Nánari upplýsingar um Grænfánann má fá á slóðinni http://www.landvernd.is/graenfaninn/ og

Í tilefni dagsins söfnuðust nemendur og kennarar ásamt skólastjórnendum saman í íþróttahúsi Seltjarnarness þar sem skólastjórinn Guðlaug Sturlaugsdóttir ávarpaði samkomuna. Þá voru veitt verðlaun vegna verkefnisins „Göngum í skólann“, þá söng skólakórinn nokkur lög og stúlknabandið Barbabelle flutti tónlist.

Grænfánunum var svo flaggað við skólahúsin og því næst var gengið fylktu liði niður að Bakkatjörn.

Grunnskóli Seltjarnarness fær Grænfána Grunnskóli Seltjarnarness fær Grænfána

Grunnskóli Seltjarnarness fær Grænfána Grunnskóli Seltjarnarness fær Grænfána

Grunnskóli Seltjarnarness fær Grænfána

Senda grein

Fréttir og útgefið efni




Leitaðu í eldri fréttum





Gott aðgengi fatlaðra, forgangur 1 Gott aðgengi fatlaðra, forgangur 2

Útlit síðu: