Vefþulan er vefþjónusta ætluð þeim sem einhverra hluta vegna eiga erfitt með að lesa texta af skjá

Fréttir og útgefið efni
Fréttir

Níu af tíu Seltirningum ánægðir með bæjarfélagið sitt

5.1.2012

Á Seltjarnarnesi eru 91% íbúa ánægðir með búsetuskilyrði bæjarfélagsins. Þetta kemur fram í árlegri þjónustukönnun sem Capacent gerir meðal sveitarfélaga. Bærinn fær einkunnina 4,5 af 5 mögulegum og er með aðra hæstu einkunnina af sveitarfélögum í landinu. Á Seltjarnarnesi var úrtakið 242 manns og var svarhlutfall um 63%.

Íþróttir, menning, umhverfi og þjónusta við barnafjölskyldur skora hátt

SumarhátíðSeltjarnarnesbær fær  3,9 af 5 mögulegum þegar spurt var um þjónustu við barnafjölskyldur. Bærinn er þar í þriðja sæti af öllum sveitarfélögum landsins. Samkvæmt könnuninni eru um 91% bæjarbúa mjög ánægðir með aðstöðu til íþróttaiðkunar og er Seltjarnarnesbær þar í öðru sæti á landsvísu. 

Menningarmál og umhverfismál fá góða umsögn bæjarbúa. Í menningarmálum fær bærinn 3,8 af 5 mögulegum  og er með aðra hæstu einkunnina af sveitarfélögum í landinu. Umhverfismálin skora 4,1 af 5 mögulegum  og er bærinn með þriðju hæstu einkunnina af sveitarfélögum í landinu.

Um 85% íbúa eru ánægðir með leik- og grunnskóla bæjarins og erum við þar í 3. sæti meðal sveitarfélaga.

Ásgerður Halldórsdóttir bæjarstjóri er mjög ánægð með útkomu Seltjarnarnesbæjar í könnuninni.   „Við höfum lagt við hlustir hvað skiptir máli hjá fjölskyldum bæjarins. Gott samstarf við bæjarbúa skilar sér í betra samfélagi.  Við viljum gera enn betur og í samstarfi við starfsmenn og íbúa bæjarins mun það takast.“ segir Ásgerður Halldórsdóttir bæjarstjóri og leggur áherslu á að Nesið verði áfram leiðandi í skóla-, æskulýðs- og íþróttastarfi á landsvísu, þar sem lögð er áhersla á jöfn tækifæri, árangur og vellíðan.

Senda grein

Fréttir og útgefið efni




Leitaðu í eldri fréttum





Gott aðgengi fatlaðra, forgangur 1 Gott aðgengi fatlaðra, forgangur 2

Útlit síðu: