Vefþulan er vefþjónusta ætluð þeim sem einhverra hluta vegna eiga erfitt með að lesa texta af skjá

Fréttir og útgefið efni
Fréttir

Lesið af list

16.3.2012

Lokahátíð Stóru upplestrarkeppninnar fór fram að viðstöddu fjölmenni í Félagsheimili Seltjarnarness í gær, 15. mars. Keppendur voru tíu talsins.  Þeir komu frá Flataskóla, Hofsstaðaskóla, Sjálandsskóla og Grunnskóla Seltjarnarness, Valhúsaskóla.  

Fyrir hönd Valhúsaskóla kepptu Einar Örn Jónsson, Júlíanna Vágseið Ström og Melkorka Gunborg Briansdóttir.  Varamaður var Kristófer Scheving.

Nemendur lásu samfelldan texta úr skáldsögunni  Draumaslóð eftir Kristínu Helgu Gunnarsdóttur, ljóð eftir GyrðiElíasson og ljóð að eigin vali.

Allir þátttakendur stóðu sig mjög vel en úrslit keppninnar urðu þau að Vigfús Höskuldur Orri Árnason í Hofsstaðaskóla varð í 1. sæti, Klara Hjartardóttir í Flataskóla í  2. sæti og Melkorka Gunborg Briansdóttir í Valhúsaskóla í 3. sæti. 

Nemendur frá Tónlistarskóla Seltjarnarness sáu um tónlistarflutning meðan gestir voru að koma í hús og að lestri loknum voru skemmtiatriði frá öllum skólunum. Hátíðinni lauk með því að allir þátttakendur fengu bókargjöf  frá Félagi íslenskra bókaútgefanda og sigurvegarar auk þess viðurkenningarskjal frá Röddum, samtökum um vandaðan upplestur og framsögn og gjafabréf frá Eymundsson.

Keppendur í stóru upplestrarkeppninni 2012

Keppendur Valhúsaskóla ásamt kennurum sínum, Þórunni Halldóru Matthíasdóttur og Önnu Birnu Jóhannesdóttur.

Senda grein

Fréttir og útgefið efni




Leitaðu í eldri fréttum





Gott aðgengi fatlaðra, forgangur 1 Gott aðgengi fatlaðra, forgangur 2

Útlit síðu: