Vefþulan er vefþjónusta ætluð þeim sem einhverra hluta vegna eiga erfitt með að lesa texta af skjá

Fréttir og útgefið efni
Fréttir

Bæjarstjóri heiðrar Elísabetu fyrir frumkvöðlastarf

13.5.2013

Elísabet Jónsdóttir átti frumkvæði að því ásamt séra Braga Skúlasyni, Ólafi Egilssyni og félagsmálastjóra bæjarins að boða til fundar með eldri mönnum á Seltjarnarnesi og heyra hvar áhugi þeirra lægi varðandi félagslega samveru og tómstundir. Var öllum körlum 67 ára og eldri sent fundarboð á sínum tíma og í framhaldi af því fundað með þeim í safnaðarheimili kirkjunnar. 


Á fundinum var lagt á ráðin með frekari viðfangsefni eftir að hafa heyrt hugmyndir fundargesta og út frá þessum fundi urðu til nokkrir hópar karla. Einn þeirra hittist í kaffi í safnaðarheimilinu tvisvar viku, annar hópur hefur fengist við ýmis konar smíðar í smíðastofu Valhúsaskóla, sem Haukur Björnsson stýrir og þriðji hópurinn er matarklúbbur og hittist sex sinnum á ári og eldar saman. 

Þetta frumkvæði Elísabetar blés lífi í félagsstarf eldri manna en þeir hafa ekki verið eins duglegir og konur á þeirra aldri að sækja það félagsstarf sem í boði er á vegum bæjarins. Af gefnu tilefni afhenti Ásgerður Halldórsdóttir bæjarstjóri Elísabetu blómvönd fyrir dugnað og ósérhlífni í þessu skemmtilega verkefni í kaffisamsæti karlanna í kirkjunni nú fyrir stuttu.

Jón Jónsson, Bjarni Þór Bjarnason, Stefán Olgeirsson; Ægir Ólason, Elísabet Jónsdóttir, Viðar Hjartarson Stefán Bergmann og Ólafur Egilsson
Talið frá vinstri:  Jón Jónsson, Bjarni Þór Bjarnason, Stefán Olgeirsson; Ægir Ólason, Elísabet Jónsdóttir, Viðar Hjartarson Stefán Bergmann og Ólafur Egilsson
Senda grein

Fréttir og útgefið efni




Leitaðu í eldri fréttum





Gott aðgengi fatlaðra, forgangur 1 Gott aðgengi fatlaðra, forgangur 2

Útlit síðu: