Fréttir
Valhúsaskóli endurnýjaður
Nú er lokið við utanhússviðgerðir á Valhúsaskóla og hefur skólinn fengið nýtt og léttara yfirbragð. Viðgerðir fólust í lagfæringu á steypuskemmdum, skipt var um glugga þar sem þess var þörf og klæðning sett á álagsfleti.
Á sama tíma var ráðist í tilfærslu á bílastæðum fyrir framan skólann. Einnig stendur til að færa hliðið, sem takmarkað hefur gegnumakstur, við enda Skólabrautar þannig að nú verður einungis hægt að aka á bílastæði skólans sunnan frá eða frá Suðurströndinni.
