Vefþulan er vefþjónusta ætluð þeim sem einhverra hluta vegna eiga erfitt með að lesa texta af skjá

Fréttir og útgefið efni
Fréttir

Seltirningar duglegir að flokka

12.2.2014

Að sögn Stefáns Eiríks Stefánssonar bæjarverkfræðings hafa Seltirningar brugðist vel við þeirri áskorun bæjarins að flokka sorpið í tunnur sem þeim var úthlutað. Skipulögð flokkun á vegum bæjarins hófst í júní á síðasta ári þegar bæjarbúum stóð til boða að fá pappírstunnu við heimili sín, þeim að kostnaðarlausu. Losun á pappírstunnunum fer fram mánaðarlega en losun á heimilisúrgangi tvisvar í mánuði. 

Á meðfylgjandi grafi má sjá losun fyrir tvö síðustu ár. Þar kemur fram að frá miðjum júní 2013 var skilað inn tæpum 77 tonnum af pappír eða u.þ.b. 13 tonnum á mánuði og 367 tonnum af heimilisúrgangi allt árið eða u.þ.b. 30 tonnum á mánuði. Vel er hægt að una við árangur af flokkuninni, en hann nemur nú um 21% þunga af heildarsorphirðu á Seltjarnarnesi, en samkvæmt Stefáni er rúmmál pappírsins samanborið við heimilissorpið nokkru meira eða sem nemur 30%.

Árið á undan, 2012, nam heildarmagn þess heimilissorps, sem bærinn losaði, um 640 tonnum eða rúmum 53 tonnum á mánuði sem gerir um 40 tonna minnkun á sorpi milli ára. 

Sorphirða


Senda grein

Fréttir og útgefið efni




Leitaðu í eldri fréttum





Gott aðgengi fatlaðra, forgangur 1 Gott aðgengi fatlaðra, forgangur 2

Útlit síðu: