Fréttir
Lífsnautnafélagið Leifur styrkir Gróttu
Föstudaginn 7. mars afhenti Lífsnautnafélagið Leifur Íþróttafélaginu Gróttu alls 900.000 krónur sem renna munu til barna- og unglingastarfs íþróttafélagsins.
Lífsnautnafélagið er félagsskapur ungra drengja sem alist hafa upp á Seltjarnarnesi en framlagið er ágóði sem hlaust af áramótadansleik sem þeir stóðu fyrir í Íþróttahúsi Seltjarnarness undir yfirskriftinni Ljóminn. Það var Kristín Finnbogadóttir framkvæmdastjóri Gróttu, sem veitti framlaginu viðtöku og færði Lífsnautnafélaginu bestu þakkir fyrir.
