Vefþulan er vefþjónusta ætluð þeim sem einhverra hluta vegna eiga erfitt með að lesa texta af skjá

Fréttir og útgefið efni
Fréttir

Margnota pokarnir vinsælir

14.4.2014

Ár er nú liðið frá því að græna, margnota innkaupapokanum var dreift á hvert heimili á Seltjarnarnesi, en átakið var liður í því að  hvetja bæjarbúa til að draga úr notkun á plasti, sem er ein helsta umhverfisváin í heiminum í dag. Framtakinu hefur verið vel tekið, bæjarbúar þekkjast í verslunum á pokanum og önnur sveitarfélög hafa tekið sér framtakið til eftirbreytni.

Pokinn var gerður að frumkvæði umhverfisnefndar Seltjarnarness, en bærinn gefur einnig sérhverju leikskólabarni í bæjarfélaginu grænan poka, sem er afar hentugur undir blaut útiföt og sparar notkun á plastpokum. 

Margrét Pálsdóttir formaður umhverfisnefndar Seltjarnarness hefur átt veg og vanda að verkefninu ásamt Steinunni Árnadóttur garðyrkjustjóra bæjarins. 

Seltjarnarnesbær vill vera í fararbroddi þegar kemur að umhverfisvitund en í opinberum stofnum eru maíspokar notaðir undir úrgang. Þá má geta þess að fyrir hvatningu Margrétar Pálsdóttur, sem gekk í öll fyrirtæki á Nesinu, lét Fiskbúðin á Vegamótum af notkun plastumbúða og pakkar nú fiskinum inn í pappír og uppskar fyrir vikið umhverfisverðlaun Seltjarnarness. Eru vonir bundnar við að önnur fyrirtæki á Nesinu taki sér fiskbúðina til eftirbreytni, enda gott mál sem lætur gott af sér leiða fyrir framtíð þessa lands.

Hrund og Grethe
Á myndinni halda Gróttustelpurnar Hrund og Grethe á græna umhverfisvæna 
innkaupapokanum, sem allir Seltirningar fengu fyrir ári síðan.

Senda grein

Fréttir og útgefið efni




Leitaðu í eldri fréttum





Gott aðgengi fatlaðra, forgangur 1 Gott aðgengi fatlaðra, forgangur 2

Útlit síðu: