Vefþulan er vefþjónusta ætluð þeim sem einhverra hluta vegna eiga erfitt með að lesa texta af skjá

Fréttir og útgefið efni
Fréttir

Nýr forseti bæjarstjórnar

17.12.2014

Ásgerður Halldórsdóttir og Guðmundur MagnússonÞann 11. desember síðastliðinn afhenti Guðmundur Magnússon forseti bæjarstjórnar beiðni um lausn frá störfum þar sem hann hefur misst kjörgengi vegna flutninga á lögheimili.

Á síðasta bæjarstjórnarfundi, 15. desember, þakkaði bæjarstjóri, Ásgerður Halldórsdóttir, Guðmundi fyrir vel unnin störf og sagði:  „Ágæti forseti bæjarstjórnar, þar sem þú lætur nú af störfum vil ég fyrir  hönd bæjarstjórnar þakka þér fyrir samstarfið sl. fimm ár í bæjarstjórn. Samstarfið hefur verið ánægjulegt og þú hefur sett þitt mark á stefnumótun bæjarstjórnar.  Á þessu tímabili höfum við sem hópur tekist á við mörg krefjandi verkefni, framtíðin er björt hjá bæjarfélaginu, bæjarfélagið stendur vel og átt þú þinn þátt í því. Ég vil óska þér fyrir hönd okkar allra velfarnaðar í þeim verkefnum sem þú átt eftir að taka þér fyrir hendur í framtíðinni."

Á fundinum var samþykkt að Bjarni Torfi Álfþórsson yrði skipaður nýr forseti bæjarstjórnar en varamenn eru Sigrún Edda Jónsdóttir og Magnús Örn Guðmundsson. Þau þrjú munu einnig taka sæti sem aðalmenn og varamenn í þeim nefndum sem Guðmundur átti sæti í.
Senda grein

Fréttir og útgefið efni




Leitaðu í eldri fréttum





Gott aðgengi fatlaðra, forgangur 1 Gott aðgengi fatlaðra, forgangur 2

Útlit síðu: