Vefþulan er vefþjónusta ætluð þeim sem einhverra hluta vegna eiga erfitt með að lesa texta af skjá

Fréttir og útgefið efni
Fréttir

Selkórinn hlýtur styrk til þriggja ára 

24.3.2015

Nýlega undirritaði Seltjarnarnesbær samning við Selkórinn um fjárhagslegan stuðning við kórinn til næstu þriggja ára. Framlaginu er skipt í þrennt og greitt út einu sinni á ári. Í samningnum kemur fram að í þakklætisskyni muni Selkórinn koma fram við valin tækifæri á Seltjarnarnesi, m.a. á menningarhátíðum bæjarins. 

Kórinn nýtur einnig velvilja frá Tónlistarskóla Seltjarnarness þar sem hann hefur ókeypis æfingaraðstöðu en endurgeldur greiðann með tónleikahaldi m.a. í Seltjarnarneskirkju og fyrir (h)eldri borgara bæjarfélagsins. 

Selkórinn hélt nýverið vortónleika í Seltjarnarneskirkju en æfir nú af kappi fyrir tónleikaferð til Edinborgar í lok maí. Áður en að því kemur heldur hann fjölskyldutónleika í Seltjarnarneskirkju 21. maí næstkomandi. Stjórnandi er Oliver Kentish.

Selkórinn
Senda grein

Fréttir og útgefið efni




Leitaðu í eldri fréttum





Gott aðgengi fatlaðra, forgangur 1 Gott aðgengi fatlaðra, forgangur 2

Útlit síðu: