Vefþulan er vefþjónusta ætluð þeim sem einhverra hluta vegna eiga erfitt með að lesa texta af skjá

Fréttir og útgefið efni
Fréttir

Áskorun til ríkisstjórnarinnar

23.11.2015

Á aðalfundi SSH sem haldinn var í Félagsgarði, Kjós, föstudaginn 20. nóvember 2015 var  einkanlega fjallað um fjármál sveitarfélaganna og fjárhagsleg samskipti ríkis og sveitarfélaga.

Bjarni Benidiktsson,Sérstakur gestur fundarins var Bjarni Benediktsson, fjármálaráðherra, sem flutti ávarp, og að auki fóru Haraldur Sverrisson, bæjarstjóri Mosfellsbæjar og Birgir Björn Sigurjónsson, fjármálastjóri Reykjavíkurborgar, yfir fjárhagslega stöðu sveitarfélaganna og mögulegar leiðir til úrbóta, m.a. og einkanlega hvað má bæta í fjárhagslegum samskiptum ríkis og sveitarfélaga.

Fundurinn samþykkti eftirfarandi áskorun vegna fjárhagslegra samskipta ríkis og sveitarfélaga

Sveitarfélög gegna margvíslegu og mikilvægu hlutverki í samfélaginu. Þau sjá um nærþjónustu við íbúa sína, stuðla að valddreifingu, auka hagkvæmni og styrkja lýðræðið. Mikilvægt er að leggja áherslu á efnahagslegan styrk þeirra og fjárhagslegt sjálfstæði til að þau standi undir þessu hlutverki.  Það verður gert með bættum samskiptum við ríkið og sanngirni og jafnræði í skiptingu tekjustofna á milli ríkis og sveitarfélaga. 

Því skorar aðalfundur Samtaka sveitarfélaga á höfuðborgarsvæðinu á ríkisstjórn Íslands að beita sér fyrir nauðsynlegum breytingum á tekjustofnum sveitarfélaga í samræmi við það sem hér að framan greinir til að tryggja að þeir séu í samræmi við þau mikilvægu verkefni sem sveitarfélögum eru falin í opinberri þjónustu við almenning í landinu.”


Senda grein

Fréttir og útgefið efni




Leitaðu í eldri fréttum





Gott aðgengi fatlaðra, forgangur 1 Gott aðgengi fatlaðra, forgangur 2

Útlit síðu: