Fréttir
Grótta Íslandsmeistari annað árið í röð
Seltjarnarnesbær óskar Gróttustúlkum til hamingju með Íslandsmeistaratitilinn
Morgunblaðið/Eggert
Grótta varð Íslandsmeistari kvenna í handbolta eftir að hafa lagt bikarmeistara Stjörnunnar af velli í Garðabæ s.l. sunnudag, 23-28. Grótta hafði betur 3-1 í einvígi liðanna. Grótta var mun betra lið og var vel að Íslandsmeistaratitilinum komið.
Grótta náði strax undirtökunum í leiknum og leiddi með sex mörkum í hálfleik, 11-17.
Gróttukonur létu kné fylgja kviði í síðari hálfleik og náðu með öflugum varnarleik að bæta enn frekar í forystu sína. Stjarnan átti í erfiðleikum með að brjóta vörn Gróttu á bak aftur sem skoruðu fjölmörg mörk úr hraðaupphlaupum.
Grótta náði þeim frábæra árangri að tapa eingöngu einum leik í úrslitakeppninni í ár, en liðið tapaði fyrir Stjörnunni í þriðja leik liðanna á föstudaginn var.
Til hamingju með frábæran árangur
