Fréttir og útgefið efni

Viðburðir

22.03.2017, kl.17:00 - 19:00 Seltjarnarnesbær

S H I F T  –  FJÖLBREYTT HÖNNUN Í GALLERÍ GRÓTTU Á HÖNNUNARMARS

Hönnunarmars í Gallerí Gróttu

Fimm íslenskir og sex skoskir hönnuðir koma í fyrsta sinn saman í nýrri, tilraunakenndri sýningu sem verður opnuð í Gallerí Gróttu á Seltjarnarnesi miðvikudaginn 22. mars kl. 17. Sýningin ber yfirskriftina SHIFT og er á dagskrá HönnunarMars. 

Hönnuðirnir á sýningunni vinna verk sín í leir, tré, eðalmálma og textíl en meginþema verkanna liggur í breyttri áherslu, stefnu eða fókus.

Shift er verkefni sem er sprottið upp úr HönnunarMars og eru aðstandendurnir með fjölbreyttan bakgrunn. Tilgangur sýningarinnar er að gefa ólíkum hönnuðunum kost á faglegu samtali og útbúa farveg þar sem þeir geta veitt hver öðrum innblástur. Fyrsta sýningarverkefni hópsins er í Gallerí Gróttu en með áframhaldandi samstarfi í gegnum röð sýninga og viðburða í Skotlandi og á Íslandi munu hönnuðirnir fá tækifæri til að kynnast heimkynnum, umhverfi, hæfileikum, reynslu, efnisnotkun og tækni hvers annars.

Samstarfsverkefnið er í senn vettvangur fyrir ferskar hugmyndir og nýja nálgun í skapandi framleiðslu. Því er einnig ætlað að efla og búa til tengingar við nýja markhópa og stuðla að nánari tengslum milli landanna.

Þátttakendur:

Julia Smith  www.juliasmithceramics.com

Hilary Grant www.hilarygrant.co.uk

Diggory Brown (Netty Sopata) www.diggorybrown.com

Eileen Gatt www.eileengatt.co.uk

Yellow Broom (Clare Waddle og David Robson) www.yellowbroomproduct.co.uk

Agustav (Ágústa Magnúsdóttir og Gústav Jóhannsson) www.agustav.com

Doppelganger (Guðrún Lárusdóttir og Ragna Fróða) www.doppelgangercollection.com

Guðný Hafsteinsdóttir www.gudnyhaf.is

Sýningarstjórar:

Carol Sinclair og Pamela Conacher

Sýningin stendur yfir í mánuð eða til 22. apríl. Aðgangur er ókeypis.

Almennir opnunartímar:

Mánudaga – fimmtudaga 10-19 / föstudaga 10-17 / laugardaga 11-14

Aukaopnanir:

Laugardaginn 25. mars kl. 11-16 / Sunnudaginn 26. mars kl. 12-16

 



Gott aðgengi fatlaðra, forgangur 1 Gott aðgengi fatlaðra, forgangur 2

Útlit síðu: