Sýningaropnun í Gallerí Gróttu - HULINN HEIMUR IV

Kristín E. Guðjónsdóttir opnar sýningu sína HULINN HEIMUR IV

Í abstrakt verkinu birtast myndir tilfinninga sem dagsdaglega eru okkur huldar. Litir, form og formleysi, túlka hér orku þá sem býr hið innra. En allt byggir þetta á persónulegri upplifun.

Kristín E. Guðjónsdóttir nam myndlist hjá myndlistarkonunni og kennaranum Margréti Zóphóníasdóttur. Einnig hefur hún sótt námskeið hjá Bjarna Sigurbjörnssyni listamanni og kennara, Ignatius í Kaupmannahöfn, ásamt hjá Anne Juul Cristhophersen í Danmörku.

Kristín hefur áður sýnt verk sín í Löngubúð á Djúpavogi í apríl 2016, hjá Inni og Úti arkitektum í október 2017 og í Lágafellslaug í Mosfellsbæ 2018. Auk þess hefur hún tekið á móti gestum á heimili sínu frá 2014.

Facebook:https://www.facebook.com/hulinnheimur/

Kristín sími: 864-0442

póstfang: keg6@simnet.is

Sýningu lýkur 6. janúar 2019.

Á föstudögum og eftir því sem líður að jólum höfum við það huggulegt og bjóðum upp á eitthvað jólalegt og gott með kaffinu.

Verið hjartanlega velkomin í jólastemninguna í Bókasafni Seltjarnarness í desember.