Fréttir og útgefið efni

Viðburðir

24.06.2019, kl.19:30 - 21:30 Seltjarnarnesbær

JÓNSMESSUGANGA 24. JÚNÍ KL. 19:30

Jónsmessuhátíð á Seltjarnarnesi 2019

Jónsmessa 2019 myndJónsmessuhátíð á Seltjarnarnesi 2019

Jónsmessuganga og gleði mánudaginn 24. júní kl. 19.30

Við höldum í hefðirnar og hvetjum bæjarbúa til að taka þátt í Jónsmessugleði á Seltjarnarnesinu okkar fallega! Genginn verður þægilegur hringur um náttúruperluna okkar í suðurnesjunum og stoppað á áhugaverðum stöðum þar sem hægt verður að njóta útsýnis í bland við fróðleik.

Hákarlahjallur

Kl. 19.30 verður safnast saman hjá Sigga í Hákarlaskúrnum við Norðurströnd sem býður gestum bæði að reka inn nefið og upp á hákarl og brennivín áður en lagt verður af stað kl. 20.00.

Fiskitrönur og lögguhlið

Á göngunni verður stoppað við fiskitrönurnar og lögguhliðið sem hafa verið endurbætt en Guðmundur Jón Helgason (Jóndi) segir okkur sögu þeirra og frá fleiri markverðum stöðum á leiðinni auk þess að sýna hvar æskuheimili hans hinn sögufrægi Nýibær stóð.

Nesstofa

Haldið verður sem leið liggur að Nesstofu þar sem að hjónin Haraldur Jóhannsson (Halli í Nesi) og Fjóla G. Friðriksdóttir segja m.a. frá tíma sínum þar en Halli ólst upp í Nesstofu og þar byrjuðu þau hjónin að búa auk þess sem Ólöf, móðir Haraldar var síðasti ábúandinn í Nesstofu.

Seltjörn hjúkrunarheimili

Jónsmessugangan endar þetta árið á nýja og fallega torginu við hjúkrunarheimilið Seltjörn þar sem að Bjarki Harðarson spilar á harmonikkuna skemmtileg lög sem allir geta sungið við. Boðið verður upp á veitingar frá Hitaveitunni og hægt verður að fara upp á þak Seltjarnar til að njóta útsýnis í allar áttir.

 

Allir bæjarbúar eru hjartanlega velkomnir!

SKOÐA DAGSKRÁ Í PDF

 



Gott aðgengi fatlaðra, forgangur 1 Gott aðgengi fatlaðra, forgangur 2

Útlit síðu: