Fréttir og útgefið efni

Viðburðir

04.11.2021 - 27.11.2021, kl.17:00 - 14:00 Seltjarnarnesbær

BREYTINGAR - Sýningaropnun í Gallerí Gróttu

Breytingar Vatnslitafélag ÍslandsVatnslitafélag Íslands opnar hér þriðja árlegu samsýningu sína.

Miklar breytingar hafa undanfarið hrist rækilega upp í mönnum. Breytingar hrista upp í hlutum, endurnýja eða endurmóta, umbylta eða jafnvel tortíma. Líf fólks breytist stöðugt frá vöggu til grafar því lífið sjálft er hreyfing/breyting í tíma og rúmi.

 

Breytingar, stórar eða smáar, hraðar eða hægar, geta snert innstu kjarna og hjartans strengi. Menn geta haft litlar eða miklar skoðanir á þeim, brugðist meira eða minna við þeim, hunsað þær eða tekið á móti þeim fagnandi. Breytingar eru eðlilegur og óhjákvæmilegur hluti lífsins en þær krefjast stundum nýrra gilda og viðmiðana – jafnvel nýrrar heimsmyndar.

 

Vatnslitafélag Íslands var stofnað í febrúar 2019. Eins og nafnið gefur til kynna þá er félagið opið öllum sem stunda vatnslitamálun. Félagar eru nú 211 talsins á aldrinum 27 til 95 ára og eru ýmist atvinnumenn eða áhugamenn í listinni. Tilgangur félagsins er að efla stöðu vatnslitamálunar og stuðla að samvinnu félagsmanna á því sviði. Félagið stendur fyrir listviðburðum með fjölbreyttri fræðslu og sýningarhaldi.

 



Gott aðgengi fatlaðra, forgangur 1 Gott aðgengi fatlaðra, forgangur 2

Útlit síðu: