Stjórnsýsla

Fundargerðir

Hér er að finna fundargerðir bæjarráðs frá þessu ári, raðað í tímaröð. Fundargerðir annarra ára er raðað eftir ártölum í hægri dálki: "Leitað eftir árum"

 

Bæjarráð

131. fundur Bæjarráðs

5/5/2022

Bæjarráð fundur nr. 131 haldinn í fundarsal bæjarráðs á bæjarskrifstofunum við Austurströnd 2, fimmtudaginn 5. maí 2022 og hófst hann kl. 08:15.

Fundinn sátu: Magnús Örn Guðmundsson, Sigrún Edda Jónsdóttir á Teams, Guðmundur Ari Sigurjónsson, Karl Pétur Jónsson, Ásgerður Halldórsdóttir bæjarstjóri og Gunnar Lúðvíksson fjármálastjóri.

Karl Pétur Jónsson vék af fundi kl. 8:50.

Fundargerð ritaði: Gunnar Lúðvíksson


Fyrir var tekið:


1. Rekstraryfirlit janúar til mars 2022

Fjármálastjóri bæjarins fór yfir málaflokkayfirlit fyrir mars mánuð.


2. 2022050028 - Opnunartími Leikskóla Seltjarnarness

Margrét Gísladóttir, leikskólastjóri mætti á fund bæjarráðs og fór yfir núverandi opnunartíma leikskólans. Fjárhagsáætlun 2022 gerir ráð fyrir opnun til kl. 16:30 eins og sl. þrjú ár.

Sviðstjóra falið að taka saman gögn varðandi málið fyrir næsta bæjarstjórnarfund.


3. 2022050031 – Undirbúningur að hönnun lóðar Skólabraut 1

Bæjarráð felur sviðstjóra Umhverfissviðs að leggja fram tillögu að hönnun lóðar fyrir smáhýsi á lóð Skólabrautar 1 í samráði við Baldur Pálsson, Hólmfríði Petersen og Margréti Gísladóttur. Tillaga að útfærslu, hönnun og verkáætlun verði lögð fram á fyrsta fundi bæjarráðs í september nk.


4. 2022040043 - Fjölsmiðjan aukið framlag

Bréf Samtaka sveitarfélaga á höfuðborgarsvæðinu dags. 06.04.2022 varðandi viðauka við þjónustusamning við Fjölsmiðjuna. Bæjarráð samþykkir sinn hlut af heildarfjárhæð kr. 11,5 mkr. fyrir árin 2022, 2023, og 2024. Fjárhæðin skiptist milli sveitarfélaganna í hlutfalli við íbúafjölda 1. desember næstliðins árs.


5. 2020110249 - Skilavegur á Seltjarnarnesi

Bæjarstjóri gerði grein fyrir málinu.

Bæjarráð samþykkir samning við Vegagerðina varðandi skilaveg Nesbraut nr. 49-07 úr þjóðvegakerfinu yfir til Seltjarnarnesbæjar.


Fleira ekki tekið fyrir

Fundi slitið 9:25

Senda grein

Fara aftur á nýjustu fundargerðir


Gott aðgengi fatlaðra, forgangur 1 Gott aðgengi fatlaðra, forgangur 2

Útlit síðu: