Stjórnsýsla

Fundargerðir

Hér er að finna fundargerðir bæjarráðs frá þessu ári, raðað í tímaröð. Fundargerðir annarra ára er raðað eftir ártölum í hægri dálki: "Leitað eftir árum"

 

Bæjarráð

134. fundur Bæjarráðs

19/9/2022

134. fundur Bæjarráðs haldinn í fundarsal bæjarráðs á bæjarskrifstofunum við Austurströnd 2, mánudaginn 19. september 2022 og hófst hann kl. 07:50.

Fundinn sátu: Magnús Örn Guðmundsson, Ragnhildur Jónsdóttir, Guðmundur Ari Sigurjónsson, Þór Sigurgeirsson bæjarstjóri og Gunnar Lúðvíksson fjármálastjóri.

Magnús Örn Guðmundsson vék af fundi undir lið 1. 


Fundargerð ritaði: Gunnar Lúðvíksson

Fyrir var tekið:


1. 2022080100 - Leikskóli Seltjarnarness - leigusamningur um gáma og gámahús.

Lagt fram.


2. 2022030171 - Sundlaug- Viðhald – stýrikerfi.

Bæjarráð vísar til bæjarstjóra til frekari skoðunar.


3. 2022090052 - Beiðni um leiktæki á skólalóð grunnskóla.

Bæjarstjóri skoðar málið með sviðstjóra og garðyrkjustjóra.

Bókun Samfylkingar:

Ég vil byrja á að þakka Katrínu fyrir gott erindi. Við eigum að gera meira af því að hlusta á raddir unga fólksins í sveitarfélaginu okkar og taka vel í þau erindi sem þau senda á bæjarstjóra og bæjarstjórn. Ég er hjartanlega sammála erindi Katrínar og höfum við í Samfylkingu lagt fram tillögur í fjárhagsáætlunargerð síðustu ára um að bæta skólalóð grunnskólans og eins og Katrín biður um, kaupa fleiri útileiktæki á skólalóðina. Læt fylgja með tillögu okkar við fjárhagsáætlunargerð 2021 um að hefja endurbætur á skólalóðinni. Vonandi að ný bæjarstjórn taki betur en sú síðasta í það að bæta skólalóð grunnskólans.

„Skólalóð Mýrarhúsaskóla er að mestu leiti malbikað plan og er knattspyrnuvöllur og önnur tæki sem á henni eru komin vel til ára sinna. Áður var framboð af leiktækjum, körfuboltakörfum og fótboltavöllum talsvert meira en það er í dag og hefði maður haldið að í sveitarfélagi þar sem aðeins er einn grunnskóli væri hægt að bæta skólalóðina og halda henni við á milli ára. Seltirningar þekkja vel til nýlegra endurbóta á Grandaskóla en börn í Mýrarhúsaskóla ákveða oft að hittast þar frekar en í sveitarfélaginu sínu til að leika sér og fara í fótbolta. Á lóð Grandaskóla var skipt um allt undirlag, keypt voru ný leiktæki á alla lóðina, körfuboltavöllur með mjúku undirlagi var settur upp ásamt nýjum gervigrasvelli þar sem hægt er að spila á þremur völlum í einu. Við höfðum samband við Reykjavíkurborg og fengum þær upplýsingar að sú framkvæmd hafi kostað á bilinu 150-200 milljónir. Tillagan okkar gerir ráð fyrir að ráðast í hugmyndavinnu með nemendum grunnskólans og kennurum um hvernig skólalóðin ætti að líta út. Hægt væri að hefja endurnýjun að hluta á næsta ári og klára svo almennilega enduruppbyggingu á næstu árum.“

Guðmundur Ari Sigurjónsson - Bæjarfulltrúi Samfylkingar Seltirninga


4. 2022090022 - Umsóknir um stuðning við börn í Leikskóla Seltjarnarness skólaárið 2022-2023.

Bæjarráð samþykkir erindið.


5. 2021120144 - Áfangastaða- og markaðsstofa höfuðborgarsvæðisins - Sóknaráætlun 2020-2024

Lagt fram og samþykkt að fá kynningu.


6. Rekstraryfirlit Janúar - Júní 2022

Fjármálastjóri bæjarins fór yfir rekstraryfirlitt fyrir fyrstu 6 mánuði.


7. 2022090177 - Minnisblað Sambands íslenskra sveitarfélaga varðandi forsendur fjárhagsáætlana 2023-2026, dags. 23.08.22.

Lagt fram


Fundi slitið kl. 9:12

Senda grein

Fara aftur á nýjustu fundargerðir


Gott aðgengi fatlaðra, forgangur 1 Gott aðgengi fatlaðra, forgangur 2

Útlit síðu: