Stjórnsýsla

Fundagerðir

Bæjarstjórn

Hér er að finna fundargerðir bæjarstjórnar frá þessu ári, raðað í tímaröð. Fundargerðir annarra ára er raðað eftir ártölum í hægri dálki: "Leitað eftir árum"


Bæjarstjórn

932. Bæjarstjórnarfundur.

18/8/2021

Miðvikudaginn 18. ágúst 2021 kl. 17:00 kom bæjarstjórn Seltjarnarness saman til fundar í fundarsal bæjarstjórnar að Austurströnd 2, Seltjarnarnesi.

Fundinn sátu: Ásgerður Halldórsdóttir (ÁH), Magnús Örn Guðmundsson (MÖG), Sigrún Edda Jónsdóttir (SEJ), Bjarni Torfi Álfþórsson (BTÁ), Karl Pétur Jónsson (KPJ), Guðmundur Ari Sigurjónsson (GAS) og Sigurþóra Bergsdóttir (SB).

Fundargerð ritaði: Gunnar Lúðvíksson.
Fundurinn er hljóðritaður og streymt beint á vefsíðu bæjarins og vistaður á heimasíðu bæjarins.
Magnús Örn Guðmundsson, forseti bæjarstjórnar setti fund og stjórnaði.

Gengið var til dagskrár og fyrir tekið:

  1. Fundargerð bæjarráðs nr. 120 frá 24/06/2021 lögð fram.

    Fundargerðin sem er í 6 tl. er samþykkt samhljóða.

    Eftirfarandi liðir í fundargerð Bæjarráðsfundar nr. 120, voru bornir upp til staðfestingar.

    Viðauki 2 við fjárhagsáætlun.
    Bæjarstjórn samþykkir, 1. tl. fundargerðar 120, viðauka nr. 2 við fjárhagsáætlun 2021 samkvæmt 2. mgr. 63. gr. sveitarstjórnarlaga nr. 138/2011, kostnað að upphæð kr. 450.000.000,- vegna endurborunnar á nýrri neysluholu fyrir hitaveitu Seltjarnarness. Kostnaðarauka mætt með lántöku.

    Bæjarstjórn samþykkir samhljóða lið 1 í fundargerð, viðauka 2.

    Viðauki 3 við fjárhagsáætlun.
    Bæjarstjórn samþykkir, 3. tl. fundargerðar 120, viðauka nr. 2 við fjárhagsáætlun 2021 samkvæmt 2. mgr. 63. gr. sveitarstjórnarlaga nr. 138/2011, kostnað að upphæð kr. 37.400.000,- vegna lagningar nýs göngu- og hjólastígs meðfram Seltjörn. Kostnaðarauka mætt með lækkun á handbæru fé.

    Bæjarstjórn samþykkir samhljóða lið 3 í fundargerð, viðauka 3.

    Bæjarstjórn samþykkir fundargerðina í heild sinni sem er í 6 liðum.

    Til máls tóku: ÁH, GAS

  2. Fundargerð Skipulags- og umferðarnefndar nr. 116 frá 12/08/2021 lögð fram.

    Eftirfarandi liðir í fundargerð voru borin upp til staðfestingar:

    Mál nr. 2020120322 Heiti máls: Bakkahverfi, deiliskipulag – Melabraut 16 – breyting á deiliskipulagi.
    Lýsing: Óskað er eftir því að heimila hækkun á Melabraut 16 í samræmi við nærliggjandi húsnæði. Byggð yrði inndregin 3. hæð með einhallandi þaki í stað núverandi valmaþaks. Með þessari breytingu verður Melabraut 16 í samræmi við önnur hús í götunni og í samræmi við götumynd Melabrautar. Tillagan hefur verið auglýst og athugasemdir bárust ekki.
    Afgreiðsla: Nefndin samþykkir breytingu á deiliskipulagi dags. 24.2.2021 sbr. 43.gr. laga nr. 160/2010.
    Bæjarstjórn samþykkir samhljóða afgreiðslu Skipulags- og umferðarnefndar.

    Mál nr. 2021040001 Heiti máls: Barðaströnd 20 – umsókn um byggingarleyfi.
    Lýsing: Sótt er um leyfi til að byggja við og breyta einbýlishúsinu.
    Afgreiðsla: Umsókn samþykkt, samræmist deiliskipulagi.
    Bæjarstjórn samþykkir samhljóða afgreiðslu Skipulags- og umferðarnefndar.

    Mál nr. 2020040221 Heiti máls: Deiliskipulag Bakkahverfis – Aflétting hverfisverndar á hús nr. 3, 5, 7, 9 og 11 við Bakkavör.
    Lýsing: Lögð fram tillaga að deiliskipulagsbreytingu fyrir Bakkavör 3-11, Seltjarnarnesi dags. 25.8.2020.
    Afgreiðsla: Nefndin samþykkir skilmálabreytingu á deiliskipulagsbreytingu fyrir Bakkavör 3-11 dags. 25.8.2020, aflétting hverfisverndar.
    Bæjarstjórn samþykkir samhljóða afgreiðslu Skipulags- og umferðarnefndar.

    Mál nr. 2021070125 Heiti máls: Suðurmýri 60.
    Lýsing: Sótt er um breytingu á útliti húss.
    Afgreiðsla: Samþykkt með fyrirvara um að þakform húss sé samkvæmt deiliskipulagi.
    Til máls tóku:
    Bæjarstjórn samþykkir samhljóða afgreiðslu Skipulags- og umferðarnefndar.

    Bæjarstjórn samþykkir fundargerðina í heild sinni sem er í 7 liðum.

  3. Fundargerð 314. fundar Skólanefndar.

    Fundargerðin lögð fram.

    Til máls tóku: SB, SEJ, ÁH, KPJ, GAS, MÖG

    Bókun Samfylkingar vegna liðar 4 í fundargerð Skólanefndar númer 314.

    Bæjarfulltrúar Samfylkingar Seltirninga lýsa furðu yfir þeim vinnubrögðum meirihlutans að stofna nýjan leikskóla á Seltjarnarnesi. Stofnun nýs leikskóla á Seltjarnarnesi er skýr breyting á stefnu um einn leikskóla sem núverandi meirihluti hefur fylgt undanfarin áratug og það án nokkurs samráðs við fagfólk bæjarins eða umræðu á pólitískum vettvangi.

    Það hefur verið ljóst lengi að Leikskóli Seltjarnarness var sprunginn. Sú staðreynd virðist alltaf koma núverandi meirihluta á óvart eins og birtist í vor þegar ekki voru til pláss til að taka á móti þeim börnum sem eiga að rétt á plássi samkvæmt gildandi stefnu bæjarins. Ekkert plan var til staðar eða fyrirhyggja til að koma í veg fyrir vandamálið og því í anda núverandi stjórnar var farið í að slökkva elda.

    Allt þetta ferli hefur einkennst af flýti og flausturslegum vinnubrögðum. Eins og fram kemur í bókun minnihluta í Skólanefnd hefur ekki átt sér stað vönduð þarfagreining, ekkert samstarf er við fagfólk í Leikskóla Seltjarnarness og engin umræða um málið á pólitískum vettvangi, hvorki í Skólanefnd, né á vettvangi bæjarráðs eða bæjarstjórnar.

    Við höfum nokkrar spurningar varðandi þessa framkvæmd.

    Hefur stofnun nýs leikskóla einhver áhrif á þá stefnu hefur verið í gildi um að byggja einn stóran leikskóla á Seltjarnarnesi?

    Hvernig er staða húsnæðis? Er búið að ástandsskoða húsnæðið og tryggja að það sé heilnæmt? Er umhverfið í samræmi við kröfur um starfsumhverfi kennara og barna?

    Aðgengi. Aðgengi að Gamla Mýrahúsaskóla er ekki gott, þarna er mikil umferð alla morgna í grunnskólann og má búast við öngþveiti með nýjum leikskóla. Er eitthvað sem verið er að vinna til að koma í veg fyrir það?

    Leiksvæði. Hvar verður leiksvæði barnanna og hvaða plön eru í gangi um það?


    Sigurþóra Bergsdóttir - Bæjarfulltrúi Samfylkingar Seltirninga
    Guðmundur Ari Sigurjónsson - Bæjarfulltrúi Samfylkingar Seltirninga


  4. Fundargerð 307. fundur Umhverfisnefndar.
    Fundargerðin lögð fram.


  5. Fundargerðir 145. og 146. fundar Veitustofnana
    Fundargerðirnar lagðar fram.


  6. Fundargerð 393. fundar Samstarfsnefndar skíðasvæða höfuðborgarsvæðisins.
    Fundargerðin lögð fram.


  7. Fundargerð 62. fundar Heilbrigðisnefndar Kjósarsvæðis.
    Fundargerðin lögð fram.


  8. Fundargerðir 526. og 527. fundar stjórnar SSH.
    Fundargerðirnar lagðar fram.


  9. Fundargerðir 340. og 342. fundar stjórnar Strætó bs.
    Fundargerðirnar lagðar fram.

  10. Fundargerð 31. eigendafundar Strætó bs.
    Fundargerðin lögð fram.


  11. Fundargerð 53. fundar Almannavarnarnefndar höfuðborgarsvæðisins.
    Fundargerðin lögð fram.


  12. Fundargerð 228. fundar stjórnar SHS bs.
    Fundargerðin lögð fram.


  13. Fundargerðir 449. og 450. fundar stjórnar SORPU bs.
    Fundargerðirnar lagðar fram.


  14. Fundargerð 33. Eigendafundar Sorpu bs.
    Fundargerðin lögð fram.


    Tillögur og erindi:

  15. Lögð fram breyting á yfirkjörstjórn Seltjarnarnesbæjar fyrir komandi Alþingiskosningar 25/09/2021.
    Í stað Davíðs B. Gíslasonar komi Pétur Kjartansson inn sem aðalmaður.
    Pétur Kjartansson, kt. 151148-4179, Bollagarðar 26, 170 Seltjarnarnesi.

    Bæjarstjórn staðfestir breytinguna.


Fundi slitið kl. 17:30

Senda grein

Fara aftur á nýjustu fundargerðir


Gott aðgengi fatlaðra, forgangur 1 Gott aðgengi fatlaðra, forgangur 2

Útlit síðu: