Stjórnsýsla

Fundagerðir

Hér er að finna fundargerðir félagsmálaráðs frá þessu ári, raðað í tímaröð. Fundargerðir annarra ára er raðað eftir ártölum í hægri dálki: "Leitað eftir árum"

 

Fjölskyldunefnd

414. fundur Fjölskyldunefndar Seltjarnarness

22/6/2017

414. fundur Fjölskyldunefndar Seltjarnarness haldinn í Mýrarhúsaskóla eldri við Nesveg, þriðjudaginn 22. júní 2017 kl. 17:00 – 18:15

Mættir: Guðrún B. Vilhjálmsdóttir, Árni Ármann Árnason, Magnús Margeirsson, Halldóra Jóhannesdóttir Sanko og Laufey Gissurardóttir. Snorri Aðalsteinsson og Kristín Jónsdóttir félagsráðgjafi sátu einnig fundinn.

  1. Trúnaðarmál - fósturmál. Fært í trúnaðarmálabók.

  2. Trúnaðarmál. – áfrýjun fjárhagsaðstoðar. Fært í trúnaðarmálabók.

  3. Trúnaðarmál. – úthlutun leiguíbúðar. Fært í trúnaðarmálabók.

  4. Kynnt viljayfirlýsing Áss styrktarfélags og Seltjarnarnesbæjar um samstarf við byggingu og rekstur búsetukjarna fyrir fatlað fólk í bæjarfélaginu. Fjölskyldunefnd fagnar yfirlýsingunni og ítrekar við bæjarstjórn að unnið verði hratt og vel að því að klára skipulagsferli varðandi staðsetningu nýs búsetukjarna þannig að unnt verði að hefjast handa hið fyrsta við byggingu hans.

  5. Greint frá rekstri sambýlisins á Sæbraut 2 og erfiðleikum við mönnun heimilisins. Fjölskyldunefnd ræddi launamál starfsmanna og fól félagsmálastjóra að rita bæjarráði bréf samkvæmt umræðum á fundinum. Einnig upplýst um ýmsa aðra þætti varðandi þjónustu við fatlað fólk.

  6. Fundargerð samráðshóps SSH um velferðarmál frá 16.6.17 kynnt. Vakin athygli á öðrum lið fundargerðarinnar varðandi skammtímavistanir.

  7. Önnur mál. Fulltrúar í fjölskyldunefnd ræddu hugmyndir um fjölgun félagslegra leiguíbúða hjá Seltjarnarnesbæ. Félagsmálastjóra falið að rita bæjarráði erindi og kynna hugmyndirnar.

    Næsti fundur ákveðinn fimmtudaginn 24. ágúst 2017 kl 17:00.

Fleira ekki gert. Fundi slitið kl. 18:15

Guðrún B Vilhjálmsdóttir (sign), Halldóra Jóhannesdóttir Sanko (sign), Laufey Gissurardóttir (sign), Árni Ármann Árnason (sign), Magnús Margeirsson (sign), Kristín Jónsdóttir (sign) og Snorri Aðalsteinsson (sign)

Senda grein

Fara aftur á nýjustu fundargerðir


Gott aðgengi fatlaðra, forgangur 1 Gott aðgengi fatlaðra, forgangur 2

Útlit síðu: