Stjórnsýsla

Fundagerðir

Hér er að finna fundargerðir æskulýðs- og íþróttaráðs frá þessu ári, raðað í tímaröð. Fundargerðir annarra ára er raðað eftir ártölum í hægri dálki: "Leitað eftir árum"

 

Íþrótta- og tómstundanefnd

409. (34.) fundur Íþrótta- og tómstundanefndar Seltjarnarness

8/5/2018

409. (34.) fundur Íþrótta- og tómstundanefndar Seltjarnarness, haldinn þriðjudaginn 8. maí kl. 8:10 í íþróttahúsinu.

Mættir voru: Magnús Örn Guðmundsson, Sigríður Sigmarsdóttir og Rán Ólafsdóttir.

Ásgeir Bjarnason og Guðmundur Ari Sigurjónsson boðuðu forföll auk þess sem fulltrúa Ungmennaráðs vantaði á fundinn.

Ritari fundar: Haukur Geirmundsson.

  1. Stækkun íþróttamiðstöðvar. Mnr. 2017120080
    Sviðsstjóri fór yfir stöðu mála.
  2. Endurskoðun á reglum ÍTS. Mnr. 2018020081.

    Samþykktar voru nokkrar orðalags breytingar á reglunum. ÍTS þakkar Rán fyrir góða vinnu við breytingarnar.

  3. Styrkumsókn vegna keppnisferðar til Spánar. Mnr. 2018050141.

    Samþykkt að veita 2.flokki kvenna í Gróttu/KR í knattspyrnu 140 þúsund króna styrk vegna ferðarinnar, í samræmi við reglur ÍTS.

  4. Styrkumsókn vegna USA cup. Mnr. 2018050142.
    Samþykkt að veita 3. flokki karla í knattspyrnu kr. 140 þúsund í styrk vegna ferðar liðsins á USA-Cup vegna ferðarinnar, í samræmi við reglur ÍTS.

  5. Styrkumsókn vegna keppnisferðar til Hamar í Noregi. Mnr. 2018050184.

    Samþykkt að veita Elínu Eir Andersen, Sigurði Inga Sigurðssyni og Auði Höllu Rögnvaldsdóttur kr. 30 þúsund hverju vegna ferðarinnar, í samræmi við reglur ÍTS. Þetta efnilega sundfólk af Seltjarnarnesi æfir með sunddeild KR. Formaður vék af fundi við afgreiðsluna.

  6. Styrkumsókn vegna keppnisferðar á Eurogym í Belgíu. Mnr. 2018050187.

    Samþykkt að veita fimleikadeild Gróttu 140 þúsund krónur vegna ferðar þeirra á Eurogym í Belgíu, í samræmi við reglur ÍTS.

  7. Styrkumsókn vegna æfingaferðar til USA. Mnr. 2018050188.

    Samþykkt að veita fimleikadeild Gróttu 140 þúsund krónur vegna þátttöku í Camp Woodward æfingabúðum í Pennsylvaníu.

  8. Heilsudagar á Seltjarnarnesi. Mnr. 2018030017.

    Sigríður sagði frá hvernig heilsudagar 2018 hefðu gengið. Veðrið setti eitthvað strik í reikninginn í mætingu en dagskráin var fjölbreytt og góð. Heilsu dagar eru nú fastur liður í dagskrá ÍTS á hverju voru. Sigríði var hrósað fyrir að hafa haldið afar vel utan um þessa dagskrá og skipulagningu fyrir hönd nefndarinnar.

  9. Launatölur sundlaugar – staða. Mnr. 2016090130.

    Launatölur lagðar fram. Launareikningurinn er kominn framyfir áætlun. Sviðsstjóri fór yfir ástæður þess.

  10. Staða tómstundastyrkja. Mnr. 22017090081.

    Staða tómstundastyrkja lögð fram.

  11. Sundlaug – aðsóknar og tekjutölur. Mnr. 2017040132.

    Aðsóknar- og tekjutölur lagðar fram.

  12. Ýmsir styrkir – staða. Mnr. 20160030068.
    Farið yfir stöðu ýmissa styrkja.

Um var að ræða lokafund nefndarinnar. Formaður þakkaði nefndarmönnum fyrir ánægjulegt samstarf á kjörtímabilinu. Jafnframt þakkaði nefndin Hauki Geirmundssyni sérstaklega fyrir sín störf.

Fundi slitið kl. 9:00.

Senda grein

Fara aftur á nýjustu fundargerðir


Gott aðgengi fatlaðra, forgangur 1 Gott aðgengi fatlaðra, forgangur 2

Útlit síðu: