Stjórnsýsla

Fundagerðir

Hér er að finna fundargerðir æskulýðs- og íþróttaráðs frá þessu ári, raðað í tímaröð. Fundargerðir annarra ára er raðað eftir ártölum í hægri dálki: "Leitað eftir árum"

 

Íþrótta- og tómstundanefnd

419.(10.) fundur Íþrótta- og tómstundanefndar Seltjarnarness

4/12/2019

419.(10.) fundur Íþrótta- og tómstundanefndar Seltjarnarness, haldinn miðvikudaginn 4. desember 2019 kl. 16:30 í vallarhúsi.

Mættir voru: Sigríður Sigmarsdóttir, Kristján Hilmir Baldursson, Saga Ómarsdóttir, Helga Charlotte Reynisdóttir, Guðrún Jónsdóttir og Dagbjört H. Kristinsdóttir.

Forföll boðaði Lárus Gunnarsson.

Fulltrúi ungmennaráðs mætti ekki á fundinn.

Ritari fundar: Haukur Geirmundsson.

  1. Fjárhagsáætlun Gróttu 2020. Mnr. 2019120099.
    Sigríður formaður og Kristján Hilmir sögðu frá vinnu þeirra er þau rýndu áætlanir deilda og óskuðu eftir skýringum á ýmsum liðum sem fulltrúar deilda Gróttu svöruðu. Farið var gaumgæfilega í alla liði allra deilda og í framhaldinu óskað eftir að áætlanir bærust á réttum tíma og væru samræmdar í eins form þegar þeim er skilað til ÍTS.
    Einnig var rætt um fundi með knattspyrnudeild vegna undirbúnings á keppni mfl.karla í Pepsí deild á næsta ári. Bæta þarf við sætum áhorfendapalla, aðstöðu fyrir fréttamiðla ásamt aðgengi að vellinum. Seltjarnarnesbær mun vinna með félaginu svo hægt verði að leika heimaleiki á vellinum.

    Saga Ómarsdóttir sat fundinn ekki undir þessum lið.

  2. Styrkumsókn vegna æfinga- og keppnisferðar til Spánar. Mnr. 2019120100.

    Samþykkt að veita mfl.karla í handknattleik kr. 140 þúsund í ferðastyrk.

  3. Styrkumsókn vegna æfinga og keppnisferðar til Þýskalands. Mnr. 2019120101.

    Samþykkt að veita 3.karla í handknattleik kr. 140 þúsund í ferðastyrk.

  4. Styrkumsókn vegna kaupa á nuddbekk. Mnr. 2019120102.
    Því miður er ekki hægt að verða við erindinu.

  5. Styrkumsókn vegna æfingaferðar í golfi til Spánar. Mnr. 2019120103.

    Samþykkt að veita 30 þúsund króna styrk vegna ferðarinnar.

  6. Kjör íþróttamanns og konu Seltjarnarness 2019. Mnr. 2019120104.

    Ákveðið var að halda kjörið fimmtudaginn 30.janúar 2020 í Félagsheimilinu kl. 17:00.

  7. Tómstundastyrkir ÍTS. Mnr. 2019110037.

    Rætt um að einfalda afgreiðslu tómstundastyrkjanna. Sviðsstjóra falið að skoða málið í framhaldinu.

Fundi slitið kl. 18:00.

Senda grein

Fara aftur á nýjustu fundargerðir


Gott aðgengi fatlaðra, forgangur 1 Gott aðgengi fatlaðra, forgangur 2

Útlit síðu: