Stjórnsýsla

Fundagerðir

Hér er að finna fundargerðir æskulýðs- og íþróttaráðs frá þessu ári, raðað í tímaröð. Fundargerðir annarra ára er raðað eftir ártölum í hægri dálki: "Leitað eftir árum"

 

Íþrótta- og tómstundanefnd

388. (13.) fundur Íþrótta- og tómstundanefndar Seltjarnarness

28/1/2016

388. (13.) fundur Íþrótta- og tómstundanefndar Seltjarnarness, haldinn fimmtudaginn 28.jan. 2016 kl. 8:00 á bæjarskrifstofunni.

Mættir voru: Magnús Örn Guðmundsson, Sigríður Sigmarsdóttir, Rán Ólafsdóttir, Ásgeir Bjarnason, Margrét Lind Ólafsdóttir og Margrét Sigurðardóttir. Auk þess sátu fundinn tveir áheyrnarfulltrúar Ungmennaráðs.

Ritari fundar : Haukur Geirmundsson.

  1. Fundatímar ÍTS árið 2016. Mnr. 2016010024.
    Tillaga formanns lögð fram og samþykkt. Dagsetningar verða settar á heimasíðu bæjarins.
  2. Fundur formanns ÍTS með formanni ÍTR.
    Formaður sagði frá fundi sem hann og formaður fimleikadeildar Gróttu áttu með formanni ÍTR. Þar kom m.a. fram að Reykjavíkurborg hefur ekki útilokað samvinnu í uppbyggingu á fimleikaaðstöðu.
  3. Tómstundastyrkir á rafrænt form. Mnr. 2016010112.
    ÍTS telur mikilvægt að umsóknir tómstundastyrkja komist á rafrænt form hið fyrsta. Varaformaður fylgir málinu eftir.
  4. Íþróttamaður og kona Seltjarnarness 2015. Mnr. 2016010115.
    Undir þessum lið vék sviðsstjóri og Rán Ólafsdóttir af fundi.
    Farið var yfir ábendingar og tilnefningar. Kjörið verður kunngjört í árlegu hófi bæjarins þann 2. febrúar næstkomandi í Félagsheimili Seltjarnarness.
  5. Pólski skólinn. Mnr. 2015120046.
    Ósk Pólska skólans um að nemendur hans falli undir reglugerð tómstundastyrkja rædd. ÍTS tekur jákvætt í erindið en frestar afgreiðslu til næsta fundar. ÍTS mun breyta reglum sínum þannig að nám/námskeið í tungumálum falli undir reglurnar, að undangenginni umsögn fræðslustjóra.
  6. Félag eldri borgara. Mnr. 2015100091.
    Formaður sagði frá fundi sem fulltrúar ÍTS áttu með stjórn Eldri borgara á Seltjarnarnesi.
  7. Gervigrasvöllur – framkvæmdir. Mnr. 2015080340.
    Formaður sagði frá gangi mála. Það kom fram að verið væri að yfirfara útboðsgögn og stefnt að því að þau færu í auglýsingu fljótlega. Knattspyrnudeild mun nýta alla þá aðstöðu sem Seltjarnarnes býður uppá til knattspyrnuiðkunar meðan á verkframkvæmdum stendur en einnig leigja aðstöðu hjá nágrannasveitarfélögum.
  8.  Málefni Selsins. Mnr. 2016010114.
    Forstöðumaður Selsins sagði frá gangi mála í Selinu. Öll verkefni ganga vel og kom fram að verið væri að undirbúa unglingaráðsfólk undir nefndasetu í nefndum bæjarins. Fulltrúar unglingaráðs sögðu frá samstarfi við ungmennaráð í Lundi og ræddu fyrirhugaða heimsókn.
  9. Sundlaug – aðsókn og tekjur 2014 og 2015. Mnr. 2014100037.
    Sviðsstjóri fór yfir samanburð á aðsókn og tekjum sundlaugar á milli áranna 2014 og 2015. Þar kom fram að tekjur af kortasölu og korthafa World Class jukust um 14% og heildaraðsókn um 19%.
  10. Niðurstaða tómstundastyrkja 2015. Mnr. 2014120040.
    Samkvæmt upplýsingum úr bókhaldi fengu 555 börn greiddan tómstundastyrk. Samkvæmt íbúasýn eiga 717 börn frá 6-18 ára aldurs lögheimili á Seltjarnarnesi. Það eru því liðlega 77% barna sem nýttu sér styrkinn.
  11. Styrkbeiðni vegna æfingaferðar til Spánar. Mnr. 2016010113.
    Samþykkt að veita 2. flokki kvenna í knattspyrnu kr. 140 þúsund króna ferðastyrk vegna æfingaferðar til Spánar.
  12. UMFÍ – Ungt fólk og lýðræði – ráðstefna um geðheilsu. Mnr. 2016010116.
    ÍTS hvetur ungt fólk úr Selinu og þjálfara frá Gróttu að sækja ráðstefnuna. ÍTS er reiðubúið að greiða þátttökugjald fyrir allt að 4 einstaklinga.
  13. Styrkbeiðni vegna þjálfaranámskeiðs HSÍ.vc Mnr. 2016020107
    Samþykkt að veita fimm þjálfurum handknattleiksdeildar Gróttu styrk að upphæð kr. 15 þúsund hverjum samkvæmt reglum ÍTS um þjálfarastyrki innanlands.
  14. Styrkbeiðni unglingaráðs handknattleikseildar Gróttu vegna fyrirlesturs. Mnr. 2016020074.
    Samþykkt að veita 30 þúsund króna styrk.

Fundi slitið kl. 9:45

Senda grein

Fara aftur á nýjustu fundargerðir


Gott aðgengi fatlaðra, forgangur 1 Gott aðgengi fatlaðra, forgangur 2

Útlit síðu: