Stjórnsýsla

Fundargerðir

Hér er að finna fundargerðir jafnréttisnefndar frá þessu ári, raðað í tímaröð. Fundargerðir annarra ára er raðað eftir ártölum í hægri dálki: "Leitað eftir árum"

 

Jafnréttisnefnd

22.(2) fundur Jafnréttisnefndar Seltjarnarness

14/6/2011

22.(2) fundur Jafnréttisnefndar Seltjarnarness haldinn í Mýrarhúsaskóla eldri, þriðjudaginn 14. júní 2011 kl. 17:00 – 18:15

Mætt voru: Guðrún Brynja Vilhjálmsdóttir, Ragnar Jónsson og Sigurþóra Bergsdóttir. Einnig sat fundinn Snorri Aðalsteinsson.

  1. Endurskoðun jafnréttisáætlunar Seltjarnarnesbæjar. Rædd ýmis áhersluatriði varðandi endurskoðun. Umræður um að víkka hugtakið jafnrétti og koma einnig að mannréttindum í víðtækari skilningi í áætluninni. Ákveðið að fulltrúar í jafnréttisnefnd ræði við samstarfsfólk í stjórnmálaflokkunum um það og einnig hvort slíkar breytingar samræmist bæjarmálasamþykkt.

  2. Rædd tillaga sem Árni Einarsson lagði fram á fundi bæjarstjórnar þann 9. mars s.l. og samþykkt var af bæjarstjórn. Fundarmenn greindu efni bókunarinnar. Það er mat nefndarinnar að æskilegt væri að fá utanaðkomandi starfskraft til að leggja mat á hver árangur er af jafnréttisstarfi í bæjarfélaginu. Mætti t. d. fá nema á háskólastigi til þess að taka að sér verkefnið í sumar eða samhliða námi snemma næsta haust.

  3. Lagt fram yfirlit yfir kynjaskiptingu í nefndir og ráð hjá Seltjarnarnesbæ. Hlutfall kynja er mjög jafnt og sambærilegt því sem var á síðasta kjörtímabili nema að einstaka nefndir eru með jafnari kynjahlutföll á þessu tímabili en var á síðasta. Sjá fylgiskjal með fundargerð.

  4. Rætt jafnrétti innan íþróttahreyfingarinnar á Seltjarnarnesi. Ragnar ætlar að taka að sér að ræða við forsvarsmenn Gróttu um jafnréttisáætlun/stefnu og Guðrún að fylgja því eftir.

Fleira ekki gert.

Fundi slitið 18.15

Snorri Aðalsteinsson

Senda grein

Fara aftur á nýjustu fundargerðir


Gott aðgengi fatlaðra, forgangur 1 Gott aðgengi fatlaðra, forgangur 2

Útlit síðu: