Stjórnsýsla

Fundagerðir

Hér er að finna fundargerðir skipulags- og mannvirkjanefndar frá þessu ári, raðað í tímaröð. Fundargerðir annarra ára er raðað eftir ártölum í hægri dálki: "Leitað eftir árum"

 

Skipulags- og umferðarnefnd

115. fundur skipulags- og umferðarnefndar

10/6/2021

Fundargerð 115. fundar skipulags- og umferðarnefndar haldinn 10. júní 2021 kl. 16:00, í sal bæjarstjórnar Seltjarnarness, Austurströnd 2.

Mættir: Ragnhildur Jónsdóttir formaður, Ingimar Sigurðsson, Guðrún Brynja Vilhjálmsdóttir, Guðmundur Ari Sigurjónsson, Garðar Svavar Gíslason, varamaður fyrir Ragnhildi Ingólfsdóttur, Einar Már Steingrímsson, sviðsstjóri skipulags- og umhverfissviðs og Arnar H. Halldórsson, f.h. byggingarfulltrúa.

Fundargerð ritaði: Hervör Pálsdóttir að undanskildum lið 3. Arnar H. Halldórsson ritaði bókun þess liðar.

Fundur var settur kl. 16:05.

A. Skipulagsmál samkvæmt skipulagslögum nr. 123/2010:

  1. Mál nr. 2021050191
    Heiti máls: Safnatröð 5 – fyrirspurn vegna mögulegrar stækkunar á lóð og safnahúsi.
    Lýsing: Fyrirhuguð stækkun yrði suðvestan við núverandi hús og að langmestu leyti neðanjarðar. Breikka þyrfti lóðina um 36 m í suðvestur.
    Afgreiðsla: Nefndin tekur jákvætt í fyrirspurn Ásdísar Helgu Ágústsdóttur arkitekts hjá Yrki ehf. um mögulega stækkun á lóð og safnahúsi að Safnatröð 5. Þannig skapast grundvöllur til að hafa Náttúruminjasafnið í þessari byggingu til framtíðar. Vísað til umhverfisnefndar til umsagnar.

  2. Mál nr. 2019050407
    Heiti máls: Deiliskipulag Bakkahverfis – breyting vegna Melabrautar 20 og Valhúsabrautar 19.
    Lýsing: Bæjarstjórn Seltjarnarnesbæjar samþykkti á fundi sínum þann 24. mars 2021 að auglýsa tillögu að breyttu deiliskipulagi lóðanna Melabraut 20 og Valhúsabraut 19 í samræmi við 1. mgr. 43. gr. skipulagslaga nr.123/2010. Um er að ræða breytingu á deiliskipulagi Bakkahverfis. Athugasemdafresti lauk 7. júní sl. Innsendar athugasemdir lagðar fram.
    Afgreiðsla: Nefndin hafnar umsókn um breytingu á deiliskipulagi Bakkahverfis, vegna Melabrautar 20 og Valhúsabrautar 19, með vísan til athugasemda sem bárust.


    B. Byggingarmál samkvæmt lögum um mannvirki nr. 160/2010:

  3. Mál nr. 2021040319
    Heiti máls: Vesturströnd 12 – umsókn um byggingarleyfi.
    Lýsing: Sótt er um að byggja einbýlishús með bílskýli.
    Afgreiðsla: Samþykkt. Samræmist deiliskipulagi og lögum nr. 160/2010.

    Hervör Pálsdóttir vék af fundi sem fundarritari undir þessum lið. Arnar H. Halldórsson ritaði bókun þessa liðar.

  4. Mál nr. 2021040187
    Heiti máls: Sólbraut 3 – umsókn um byggingarleyfi.
    Lýsing: Sótt er um leyfi til að byggja garðskála á norðvesturhlið hússins.
    Afgreiðsla: Samþykkt. Samræmist deiliskipulagi og lögum nr. 160/2010.

  5. Mál nr. 2021030225
    Heiti máls: Tjarnarstígur 10 – umsókn um byggingarleyfi.
    Lýsing: Sótt er um leyfi til að reisa bílskúr á nýjum byggingarreit.
    Afgreiðsla: Samþykkt. Samræmist deiliskipulagi og lögum nr. 160/2010.

  6. Mál nr. 2021050230
    Heiti máls: Bollagarðar 107 – umsókn um byggingarleyfi.
    Lýsing: Sótt er um byggingarleyfi fyrir þakkvist
    Afgreiðsla: Samþykkt. Samræmist deiliskipulagi og lögum nr. 160/2010.

  7. Mál nr. 2020030053
    Heiti máls: Dæluhús 6 við Bygggarða.
    Lýsing: Sótt er um byggingarleyfi til að setja upp stálmastur og farsímaloftnet. Erindið var tekið fyrir á 100. fundi nefndarinnar þann 18.3.2020 og því vísað til umhverfisnefndar til umsagnar. Auk þess var byggingarfulltrúa falið að ræða við umsækjanda um aðrar útfærslur. Umhverfisnefnd hafnaði staðsetningu mastursins á fundi sínum 1.4.2020. Formlegt svar vantar enn.
    Afgreiðsla: Nefndin felur sviðsstjóra að ræða við umsækjanda um aðrar mögulegar staðsetningar þar sem umhverfisnefnd hafnaði þeirri staðsetningu sem óskað var eftir út frá umhverfissjónarmiðum.


    C. Umferðarmál og önnur mál:

  8. Mál nr. 2021060037
    Heiti máls: Fyrirspurn um stöðu ferðavagna við Grunnskóla Seltjarnarness.
    Lýsing: Lögð fram fyrirspurn um hvort megi leyfa lagningu ferðavagna á bílastæði við Grunnskóla Seltjarnarness.
    Afgreiðsla: Stæði við Mýrarhúsaskóla og Valhúsaskóla henta ekki fyrir lagningu ferðavagna yfir sumartímann þar sem þau eru í notkun vegna leikjanámskeiða barna og íþróttaviðburða. Stæðin við Mýrarhúsaskóla eru einnig notuð af kirkjugestum.


    D. Samþykktir byggingarfulltrúa samkvæmt Mannvirkjalögum nr. 160/2010, til staðfestingar:

    2021020170
    , Tjarnarstígur 11 – umsókn um byggingarleyfi. Byggingarleyfi gefið út 9.6.2021.
    Nefndin staðfestir ofangreinda samþykkt byggingarfulltrúa.

Nefndin þakkar fráfarandi sviðsstjóra Einari Má Steingrímssyni fyrir vel unnin störf og óskar honum velfarnaðar á nýjum starfsvettvangi.

Fundi slitið kl. 17:30.

Senda grein

Fara aftur á nýjustu fundargerðir


Gott aðgengi fatlaðra, forgangur 1 Gott aðgengi fatlaðra, forgangur 2

Útlit síðu: