Stjórnsýsla

Fundagerðir

Hér er að finna fundargerðir skipulags- og mannvirkjanefndar frá þessu ári, raðað í tímaröð. Fundargerðir annarra ára er raðað eftir ártölum í hægri dálki: "Leitað eftir árum"

 

Skipulags- og umferðarnefnd

85. fundur Skipulags- og umferðarnefndar

21/12/2018

85. fundur Skipulags- og umferðarnefndar, haldinn föstudaginn 21. desember, kl. 8.00 að Austurströnd 2 á Seltjarnarnesi.

Fundinn sátu: Ragnhildur Jónsdóttir, Guðrún Brynja Vilhjálmsdóttir, Ingimar Sigurðarson, Þorleifur Örn Gunnarsson, Ragnhildur Ingólfsdóttir og Sigurður Valur Ásbjarnarson skipulags- og byggingarfulltrúi.

Áheyrnarfulltrúi ungmennaráðs er Ari Hallgrímsson.

Fundargerð ritaði: Sigurður Valur Ásbjarnarson, skipulags- og byggingarfulltrúi.

Fundur settur kl. 8.00.

Eftirfarandi mál voru tekin fyrir:

A. Skipulagsmál samkvæmt skipulagslögum nr. 123/2010:

  1. Mál nr. 2018120092

    Heiti máls: Lýsing fyrir nýtt deiliskipulag við Krýsuvíkurberg.

    Lýsing: Drög að skipulagslýsingu.

    Afgreiðsla: Lagt fram til kynningar án athugasemda.

  2. Mál nr. 2018080209

    Heiti máls: Unnarbraut 19 – fyrirspurn um deiliskipulagsbreytingu.
    Lýsing: Ósk lóðarhafa um breytingu á gildandi deiliskipulagi fyrir lóðina sem gerir ráð fyrir hækkun á bílskúr m.v. núverandi skipulagsheimildir.
    Afgreiðsla: Vísað er til gildandi skipulags fyrir svæðið. Nefndin sér sér ekki fært að verða við ósk um deiliskipulagsbreytingu.

    B.
    Byggingarmál samkvæmt Mannvirkjalögum nr. 160/2010:

  3. Mál nr. 2018080445
    Heiti máls: Nesvegur 101, umsókn um byggingarleyfi.

    Lýsing: Forstofubygging, kvistur og geymsla. Málinu frestað á síðasta fundi.
    Afgreiðsla: Lagt fram mat frá Kanon arkitektum, skipulagshöfundum Lambastaðahverfis á byggingarleysisumsókn fyrir Nesveg 101, en byggingin fellur undir hverfisvernd deiliskipulagsins. Það er mat skipulagshöfunda að erindið uppfylli þau ákvæði sem fram koma í deiliskipulagstillögunni.

    Umsóknin samþykkt.

  4. Mál nr. 2018080090
    Heiti máls: Austurströnd 10, umsókn um byggingarleyfi.

    Lýsing: Atvinnuhúsnæði er endurhannað undir veislusal.
    Afgreiðsla: Umsóknin samþykkt. Nefndin beinir því til umsækjanda að taka tillit til óska íbúa Austurstrandar 10 er koma fram í umsögn stjórnar húsfélagsins er varðar opnunartíma, mögulegt ónæði, umgengni og öðru tengdu rekstri salarins.

  5. Mál nr. 20180900288

    Heiti mál: Nestorg ehf og húsfélagið Eiðistorgi 13-15 óskar eftir breytingu að Eiðistorgi 13-15.

    Lýsing: Ósk um breytingu á aðgengi að sorpgeymslu.

    Afgreiðsla: Samþykkt.

  6. Mál nr. 2018100093

    Heiti mál: Austurströnd 3.

    Lýsing: Ósk um breytingu á fastanúmeri – breyta í stúdíóíbúðir.

    Afgreiðsla: Erindinu er hafnað.

  7. Mál nr. 2018120046

    Heiti mál: Hrólfskálamelur 1-5.

    Lýsing: Ósk um byggingarleyfi fyrir svalaskýli við allar íbúðir í húsinu.

    Afgreiðsla: Nefndin tekur jákvætt í erindið og felur byggingarfulltrúa að fylgja málinu eftir.

  8. Mál nr. 2018070020

    Heiti mál: Safnatröð 2.

    Lýsing: Lagt fram nýtt mæliblað frá VSÓ – tillaga til staðfestingar.

    Afgreiðsla: Samþykkt með fyrirvara um lagfæringar á framlögðu lóðarblaði.

  9. Mál nr. 2018000112

    Heiti máls: Kirkjubraut 7 – nýjar upplýsingar.

    Lýsing. Sviðsstjóri umhverfissviðs mætir á fundinn.

    Afgreiðsla: Sviðsstjóra umhverfissviðs er falið að skoða málið.

  10. Mál nr. 2018120102

    Heiti máls: Farsímamastur í Bygggörðum.

    Lýsing. Farsímamastur nærri Bygggörðum.

    Afgreiðsla: Erindið er samþykkt og kynnt Landey.

  11. Mál nr. 2018110163

    Heiti máls: Ökutækjaleiga.

    Lýsing. Beiðni um umsögn um staðsetningu ökutækjaleigu.

    Afgreiðsla: Nefndin getur ekki samþykkt staðsetningu ökutækjaleigu að Austurströnd 2, enda eru þar skrifstofur Seltjarnarnesbæjar.

  12. Mál nr. 2018050151

    Heiti máls: Skólabraut 4 – ný gögn.

    Lýsing. Ósk um breytingu á deiliskipulagi.

    Afgreiðsla: Umsækjanda heimilað að fara í deiliskipulagsbreytingu, enda hafði fyrri nefnd áður tekið jákvætt í erindið.

    C.
    Önnur mál:

  13. Mál nr. 2018120120

    Heiti máls: Nesvegur 100.

    Lýsing. Merking bílastæða við verslun.

    Afgreiðsla: Nefndin leggur til að sett verði upp 15 mín. skilti við bílastæðin.
    Samþykktir byggingarfulltrúa samkvæmt Mannvirkjal. nr. 160/2010, til staðfestingar.

  14. Mál nr. 2018120087

    Heiti mál: Eiðismýri 30.

    Lýsing:. Svalalokun fyrir Eiðismýri 30.

    Afgreiðsla: Samþykkt af byggingarfulltrúa.

  15. Mál nr. 2018110112

    Heiti mál: Austurströnd 5.

    Lýsing:. Breyting á innréttingum á 2. hæð. Viðtalsherbergi.

    Afgreiðsla: Samþykkt af byggingarfulltrúa.
    Skipulags- og umferðarnefnd staðfestir afgreiðslu byggingarfulltrúa á málum nr. 14 -15.


Sigurður Valur Ásbjarnarson skipulags- og byggingarfulltrúi

Fundargerð lesin og samþykkt.

Fleira ekki tekið fyrir og fundarlok kl. 9:35.

Ragnhildur Jónsdóttir, formaður.

Guðrún Brynja Vilhjálmsdóttir

Hannes Tryggvi Hafstein

Þorleifur Örn Gunnarsson

Ragnhildur Ingólfsdóttir

Senda grein

Fara aftur á nýjustu fundargerðir


Gott aðgengi fatlaðra, forgangur 1 Gott aðgengi fatlaðra, forgangur 2

Útlit síðu: