Stjórnsýsla

Fundagerðir

Hér er að finna fundargerðir skipulags- og mannvirkjanefndar frá þessu ári, raðað í tímaröð. Fundargerðir annarra ára er raðað eftir ártölum í hægri dálki: "Leitað eftir árum"

 

Skipulags- og umferðarnefnd

94. fundur skipulags- og umferðanefndar

21/10/2019

Fundargerð 94. fundar skipulags- og umferðanefndar haldinn mánudaginn 21. október 2019 kl. 8.00 að Austurströnd 2 á Seltjarnarnesi.

Mættir: Ragnhildur Jónsdóttir, formaður, Ingimar Sigurðsson, Sigríður Sigmarsdóttir, Þorleifur Örn Gunnarsson, Ragnhildur Ingólfsdóttir og Sigurður Valur Ásbjarnarson, skipulags- og byggingarfulltrúi.

Fjarverandi: Ari Hallgrímsson, áheyrnarfulltrúi ungmennaráðs.

Fundargerð ritaði Hervör Pálsdóttir.

Fundur settur kl. 8:00.

Gísli Hermannsson mætti á fundinn undir lið 8, 12, 13 og 16 kl. 8:57 og vék af fundi kl. 9:47.

Ingimar Sigurðsson víkur af fundi kl. 10:25.

Eftirfarandi mál voru tekin fyrir:

A. Skipulagsmál samkvæmt skipulagslögum nr. 123/2010:

  1. Mál nr. 2019050123

    Heiti máls: Áformuð breyting á færslu Korpulínu. Verklýsing til kynningar.

    Lýsing: Drög að breytingu á aðalskipulagi Reykjavíkur lögð fram til kynningar, sbr., 2. mgr. 30. gr. skipulagslaga nr. 123/2010, sbr. einnig lög um umhverfismat áætlana, nr. 105/2006.

    Afgreiðsla: Nefndin gerir ekki athugasemd við drögin og vísar málinu til afgreiðslu bæjarstjórnar.

  2. Mál nr. 2018090207

    Heiti máls: Deiliskipulag fyrir Bygggarða - umsókn um breytingu á deiliskipulagi.

    Lýsing: Tillaga að breyttu deiliskipulagi Bygggarðasvæðis á Seltjarnarnesi. Svör við athugasemd dags. 7. ágúst 2019 við breyttu deiliskipulagi lögð fram til kynningar og afgreiðslu.

    Afgreiðsla: Svarbréf skipulags- og byggingarfulltrúa, dags. 21. október 2019, lagt fram og samþykkt.

  3. Mál nr. 2019010347

    Heiti máls: Deiliskipulag Valhúsahæðar og aðliggjandi útivistarsvæða - breytingartillaga - Kirkjubraut 20 - uppbygging búsetukjarna fyrir fatlað fólk.

    Lýsing: Ný tillaga lögð fram til kynningar.

    Afgreiðsla: Nefndin samþykkir nýja tillögu, dags. 2. október 2019, og vísar henni til umsagnar umhverfisnefndar.

  4. Mál nr. 2018090018

    Heiti máls: Sefgarðar 10 og 12 – heimreið ekki á skipulagi.

    Lýsing: Skriflegt svar eigenda Sefgarða 12, dags. 15. október 2019, við bréfi byggingarfulltrúa, dags. 27. september 2019, lagt fram.

    Afgreiðsla: Nefndin vísar til bókunar á 92. fundi nefndarinnar, dags. 14. ágúst sl. Byggingarfulltrúa falið að fylgja málinu eftir.

  5. Mál nr. 2019050407

    Heiti máls: Deiliskipulag Bakkahverfis – fyrirspurn um breytingu vegna Melabrautar 20 og Valhúsabrautar 19.

    Lýsing: Trípólí arkitektar leggja fram nýja tillögu að byggingum á tveimur lóðum.

    Afgreiðsla: Byggingarfulltrúa falið að kalla eftir frekari gögnum og er málinu frestað.

    Byggingarmál samkvæmt Mannvirkjalögum nr. 160/2010:

  6. Mál nr. 2019100111

    Heiti máls: Kirkjubraut 19 – umsókn um byggingarleyfi.

    Lýsing: Sótt er um byggingarleyfi til að síkka glugga og setja svalahurð þannig að útgengt sé í garð. Samþykki annarra eigenda lagt fram.

    Afgreiðsla: Samþykkt.

  7. Mál nr. 2019090317

    Heiti máls: Hesthús í Bollagarðalandi.

    Lýsing: Umsókn um niðurrif hesthúss. Bréf frá Minjastofnun dags. 4. otóber 2019 lagt fram.

    Afgreiðsla: Nefndin heimilar eigandanum niðurrif hesthússins með vísan til bréfs Minjastofnunar, dags. 4. október 2019.

  8. Mál nr. 201090204

    Heiti máls: Kirkjubraut 7 - beiðni um upplýsingar varðandi skúr á lóð.

    Lýsing: Skipulags- og umferðarnefnd bókaði á 76. fundi skipulags- og umferðarnefndar að um óleyfisframkvæmd væri að ræða og byggingarfulltrúa falið að fylgja málinu eftir. Málið var tekið fyrir aftur á 80. fundi skipulags- og umferðarnefndar þann 13. ágúst 2018, 84. fundi þann 23. nóvember 2018 og 85. fundi þann 21. desember 2018 en á þeim síðastnefnda var sviðsstjóra umhverfissviðs falið að skoða málið.

    Afgreiðsla: Sviðsstjóri umhverfissviðs leggur fram samþykki eigenda/íbúa Kirkjubrautar 5, Kirkjubrautar 7 og Skólabrautar 8. Sviðsstjóra umhverfissviðs falið að kalla eftir umsögn Slökkviliðsins á höfuðborgarsvæðinu.

  9. Mál nr. 2019100112

    Heiti máls: Eiðistorg 13-15 - athugasemdir vegna breytinga á húsnæði ÁTVR.

    Lýsing: Erindi frá meðstjórnanda í húsfélagi Eiðistorgi 13-15 lagt fram.

    Afgreiðsla: Nefndinni kynntir málavextir. Nefndin óskar eftir áliti lögmanns.

  10. Mál nr. 2019100170

    Heiti máls: Víkurströnd 11 – umsókn um byggingarleyfi.

    Lýsing: Umsókn um breytingu á útliti vesturhliðar hússins. Bæta við tveimur gluggum ásamt svalaopnun. Niðurgröftur á lóð við vesturhlið hússins.

    Afgreiðsla: Samþykkt.

  11. Mál nr. 2019100171

    Heiti máls: Bráðabirgðabyggingarleyfi til að reisa söluhús við Bygggarða 2.

    Lýsing: Sótt um bráðabirgðabyggingarleyfi vegna byggingar 7 söluhúsa við Bygggarða 2 til flutnings í desember 2019 og í janúar 2020.

    Afgreiðsla: Hafnað.

    B.
    Umferðarmál

  12. Mál nr. 2019100116

    Heiti máls: Melabraut – einstefna frá Bakkavör að Hæðarbraut.

    Lýsing: Byggingarfulltrúi óskar eftir umræðu um færslu á einstefnu á Melabraut.

    Afgreiðsla: Einstefna er á Melabraut frá Bakkavör að Hæðarbraut og felur nefndin byggingarfulltrúa að senda Lögreglustjóranum á höfuðborgarsvæðinu erindi um málið.

  13. Mál nr. 2019080032

    Heiti máls: Gönguleið um Eiðistorg – umferð um Suðurmýri.

    Lýsing: Til kynningar og umræðu á ný.

    Afgreiðsla: Nefndin leggur áherslu á að gönguleið um bílastæði við Eiðistorg komi til framkvæmda hið fyrsta. Byggingarfulltrúa er falið að láta útbúa gögn til kynningar fyrir íbúa í samræmi við umræður nefndarinnar.

    D. Önnur mál

  14. Mál nr. 2018050013.

    Heiti máls: Nesvegur 100 - lóðarstærð.

    Lýsing: Byggingarfulltrúi kynnir umræður á fundi með lóðarhöfum, dags. 15.10.2019.

    Afgreiðsla: Málið kynnt.

  15. Mál nr. 2019100164.

    Heiti máls: Seltjarnarnes – sjóvarnir 2019.

    Lýsing: Byggingarfulltrúi kynnir erindi Vegagerðarinnar um sjóvarnir við Ráðagerði og Nesvöll.

    Afgreiðsla: Nefndin tekur vel í erindið og vísar til umsagnar umhverfisnefndar.

  16. Mál nr. 2019100187

    Heiti máls: Tillögur að legu hjólreiðastígs á bæjarmörkum Reykjavíkur og Seltjarnarness við Eiðisgranda.

    Lýsing: Tillögur um legu hjólastígs lagðar fram.

    Afgreiðsla: Nefndin tekur jákvætt í tillögurnar og leggur til að tillaga 2 verði fyrir valinu með útfærslu í samráði við sviðsstjóra umhverfissviðs.

    Fundi slitið kl. 10:35.

    Ragnhildur Jónsdóttir, formaður

    Ingimar Sigurðsson

    Sigríður Sigmarsdóttir

    Þorleifur Örn Gunnarsson

    Ragnhildur Ingólfsdóttir

    Sigurður Valur Ásbjarnarson, skipulags- og byggingarfulltrúi.

Senda grein

Fara aftur á nýjustu fundargerðir


Gott aðgengi fatlaðra, forgangur 1 Gott aðgengi fatlaðra, forgangur 2

Útlit síðu: