Stjórnsýsla

Fundagerðir

Hér er að finna fundargerðir skólanefndar frá þessu ári, raðað í tímaröð. Fundargerðir annarra ára er raðað eftir ártölum í hægri dálki: "Leitað eftir árum"

 

Skólanefnd

131. fundur skólanefndar Seltjarnarness 27. október 2003 Málefni grunnskóla:

27/10/2003

131. fundur skólanefndar Seltjarnarness 27. október 2003
Málefni grunnskóla:
1. Bréf til Seltjarnarnesbæjar, dags. 20. október 2003.
Framkvæmdaraðili: Skólanefnd

Fundur nr. :

131 (26)
Fundarstjóri: Bjarni Torfi Álfþórsson Fundarritari: Lúðvík Hjalti Jónsson
Staður: Bæjarskrifstofa    
Þátttakendur:

Skólanefnd: Bjarni Torfi Álfþórsson, Gunnar Lúðvíksson, Sunneva Hafsteinsdóttir og Árni Einarsson. Skólaskrifstofa: Lúðvík Hjalti Jónsson. Fulltrúar skólanna: Sigfús Grétarsson, Þórunn Halldóra Matthíasdóttir og Ólína Thoroddsen. Fulltrúar foreldra: Katla Kristvinsdóttir og Svana Helena Björnsdóttir.

Árni Einarsson vék af fundi kl. 12:45

Dagsetning :
Frá kl.:
Til kl. :

27.10.2003
12:00
12:50

 

1. Lagt fram bréf dags. 20. október sl. frá foreldri barns í Mýrarhúsaskóla vegna

framkomu skólastjóra og kennara í Mýrarhúsaskóla í tengslum við sameiningu yfirstjórnar Mýrarhúsaskóla og Valhúsaskóla. Einnig lagt fram bréf dags. 23. október sl., frá framkvæmdastjóra fjármála og stjórnsýslusviðs vegna málsins.

Fulltrúar meirihluta skólanefndar leggur fram eftirfarandi bókun: "Fulltrúar meirihluta skólanefndar líta málið mjög alvarlegum augum og leggja til að embættismenn bæjarins vinni greinargerð um málið á grundvelli stjórnsýslulaga í samvinnu við lögmenn bæjarins."

Bjarni Torfi Álfþórsson (sign) Gunnar Lúðvíksson (sign)

Fulltrúar minnihlutans í skólanefnd leggja fram svofellda bókun: "Fulltrúar NESLISTANS í skólanefnd Seltjarnaness eru furðu losnir vegna málatilbúnaðar starfandi forstöðumanna fræðslu- og menningarsviðs, þeirra Jónmundar Guðmarssonar, Lúðvíks Hjalta Jónssonar og formanns skólanefndar, Bjarna Torfa Álfþórssonar. Boðað er til aukafundar í skólanefnd þar sem eina málið á dagskrá er bréf frá foreldri barns í Mýrarhúsaskóla, dagsett 20. október 2003. Í bréfinu eru settar fram einhliða ásakanir á hendur skólastjóra og kennara í Mýrarhúsaskóla. Þar er einnig að finna stuðningsyfirlýsingu bréfritara við mjög umdeilda ákvörðun meirihluta bæjarstjórnar Seltjarnarness frá 8. október 2003. Umræddur skólastjóri er ekki boðaður á fundinn. Það er skýlaust brot á stjórnsýslulögum að taka þetta bréf til umfjöllunar án þess að umrætt starfsfólk hafi fengið tækifæri til að nýta sér andmælarétt sinn. Það er fráleitt að taka þetta mál til meðferðar á vettvangi skólanefndar eins og það er fyrirlagt og undirbúið. Fulltrúar NESLISTANS í skólanefnd taka ekki þátt í vinnubrögðum af þessu tagi."

Sunneva Hafsteinsdóttir (sign) Árni Einarsson (sign)

 

Bjarni Torfi Álfþórsson (sign)

Gunnar Lúðvíksson (sign)

Sunneva Hafsteinsdóttir (sign)

Árni Einarsson (sign)

Senda grein

Fara aftur á nýjustu fundargerðir


Gott aðgengi fatlaðra, forgangur 1 Gott aðgengi fatlaðra, forgangur 2

Útlit síðu: