Stjórnsýsla

Fundagerðir

Hér er að finna fundargerðir skólanefndar frá þessu ári, raðað í tímaröð. Fundargerðir annarra ára er raðað eftir ártölum í hægri dálki: "Leitað eftir árum"

 

Skólanefnd

161 (56). fundur skólanefndar Seltjarnarness

25/4/2005

161 (56). fundur skólanefndar Seltjarnarness haldinn mánudaginn 25. apríl 2005 kl. 17:00-19:00 að Austurströnd 2.

Þátttakendur:

Skólanefnd: Bjarni Torfi Álfþórsson, Gunnar Lúðvíksson, Lárus B. Lárusson, Sunneva Hafsteinsdóttir og Árni Einarsson. Lúðvík Hjalti Jónsson framkvæmdastjóri fjárhags- og stjórnsýslusviðs, Margrét Harðardóttir grunnskólafulltrúi, Sigfús Grétarsson skólastjóri, Alda Gísladóttir og Olga B. Þorleifsdóttir fulltrúar kennara, Rögnvaldur Sæmundsson fulltrúi foreldra.

Dagskrá:

  1. Lagt fram reiknilíkan fyrir Grunnskóla Seltjarnarness fyrir skólaárið 2005-2006. Skólanefnd samþykkir fyrirliggjandi reiknilíkan með eftirfarandi bókun:

Skólanefnd óskar eftir því við Fjárhags- og launanefnd að verðandi 9. bekkur verði áfram í fjórum bekkjardeildum en ekki þremur eins og reiknilíkanið gerir ráð fyrir. Heildarkennslumagn yrði þá 831 kennslustund í stað 812. Um er að ræða fjölgun kennslustunda um 19.

Bjarni Torfi Álfþórsson (sign.) Gunnar Lúðvíksson (sign.) Lárus B Lárusson (sign.) Árni Einarsson (sign.) Sunneva Hafsteinsdóttir (sign.)

Skólanefnd felur skólastjóra að breyta tilhögun skiptistunda í yngstu bekkjum skólans til að tryggja óbreytta þjónustu í Mýrarhúsaskóla.

 

  1. Skóladagatal fyrir Grunnskóla Seltjarnarness skólaárið 2005-2006 lagt fram og samþykkt. Skóladagatalið er unnið í samráði við leikskóla og Tónlistarskóla (Fskj. 161-1).
  2. Lagt fram meðfylgjandi minnisblað skólanefndar vegna Þróunarsjóðs Grunnskóla Seltjarnarness. Lagt er til að verkefni um sögu og náttúrufræði Seltjarnarness verði tilraunaverkefni sem fyrst um sinn yrði vistað á netinu og tengt öðru efni t.d. skipulagsmálum og umhverfismennt. Skólanefnd samþykkir minnisblaðið að öðru leyti og óskar eftir formlegum umsóknum í sjóðinn. Umsóknarfrestur er til 1. júní 2005 (Fskj. 161-2).
  3. Stuðningi við verkefnið „Hugsað um barn“ er synjað að svo stöddu (Fskj. 161-3).
  4. Lögð fram 13. fundargerð byggingarnefndar Mýrarhúsaskóla (Fskj. 161-4).
  5. Lögð fram til kynningar skýrsla frá Rannsóknarnefnd umferðarslysa um áhættuhegðun ungra ökumanna (Fskj. 161-5).
  6. Skólaskrifstofa Seltjarnarness og Grunnskóli Seltjarnarness hlutu styrk að upphæð kr. 480.000,- úr Endurmenntunarsjóði menntamálaráðuneytis til að halda námskeið um einstaklingsmiðað nám fyrir kennara skólans (Fskj. 161-6).
  7. Lögð fram textasvör kennara og foreldra í  viðhorfakönnunum í Grunnskóla Seltjarnarness frá því í janúar og febrúar sl. Skólanefnd áformar að láta endurskoða spurningalistann (Fskj. 161-7).
  8. Lagðar fram til kynningar niðurstöður könnunar um vímuefnaneyslu ungs fólks á Seltjarnarnesi (Fskj. 161-8).
  9. Lögð fram og samþykkt eftirfarandi tillaga að gjaldskrá fyrir Tónlistarskólann fyrir skólaárið 2005-2006:

 

                        Hljóðfæranám:              kr. 52.000,-

                        Hljóðfæri með undirleik kr. 78.500,-

                        Forskóli:                                   kr. 27.000,-

                        Hljóðfæraleiga:             kr.  6.000,-

 

            Systkinaafsláttur er 20% fyrir annað barn og 40% fyrir þriðja barn.

 

 

Bjarni Torfi Álfþórsson (sign.)

Gunnar Lúðvíksson (sign.)

Lárus B Lárusson (sign.)

Árni Einarsson (sign.)

Sunneva Hafsteinsdóttir (sign.)



Senda grein

Fara aftur á nýjustu fundargerðir


Gott aðgengi fatlaðra, forgangur 1 Gott aðgengi fatlaðra, forgangur 2

Útlit síðu: